''Mövsümə yaxşı başlaya bilməsək də, ''Qalatasaray''la oyunlara yaxşı hazırlaşmalıyıq. Rəqib güclüdü. Amma biz ÇL-də xüsusilə öz meydanımızda istənilən rəqibi yenməyə qadir olduğumuzu dəfələrlə sübut etmişik. Bu dəfə də meydana yalnız qələbə üçün çıxacağıq və uğurlu nəticə əldə edəcəyimizə inanırıq. Bəli, heyətlə bağlı çətinliklərimiz var. Amma bizimlə olmayan oyunçuların yox, bizimlə olan oyunçuların müzakirə edilməsini istəyirəm. Bu matç üçün əlimin altında olan oyunçulara güvənirəm. Səviyyəli komandamız var və özümüzə inanmalıyıq. ''Qalatasaray''ın güclü və qüvvətli komanda olduğunu bilirik. Bir çox yığma üzvlərinə sahibdilər. İrəlidə yaradıcı futbolçuları var. Onları ətraflı analiz etmişik. Asan olmayacaq. Ən azı çempionat oyunlarındakından daha yaxşı təsir bağışlamalıyıq. Kərəm Dəmirbayı yenidən görmək fürsətim olacaq. Onunla bir-birimizi ''Hamburq''dan tanıyırıq''.