''Qalatasaray'' bu cütün favoritidi''
Məlum olduğu kimi ''Qalatasaray'' Çempionlar Liqasında təsnifat mərhələsinin pley-offunda İsveçrə təmsilçisi ''Yanq Boyz'' ilə qarşılaşacaq.
“Football-plus.az” xəbər verir ki, ilk oyun avqustun 21-də İsveçrədə, cavab oyunu avqustun 27-də İstanbulda baş tutacaq. İsveçrəlilərin püşkə reaksiyası bəlli olub. Komandanın idman direktoru Stiv fon Bergen bunları deyib:
''Türk klubları ilə oynamağın necə həyəcanlı və sevincli olduğunu bilirik. ''Qalatasaray'' əlbəttə ki, bu cütün favoritidi. Amma bu bizim üçün meydan oxuma fürsətidi. Cəsur oynamaq və rəqibə problemlər yaratmaq üçün əlimizdən gələni edəcəyik''.
Qeyd edək ki, ''Yanq Boyz'' yeni mövsümə çox bərbad start verib. Komanda İsveçrə çempionatında 4 turdan sonra 1 xalla sonuncu (!) pillədə qərarlaşıb. Onu da bildirək ki, ''Cim-Bom''un baş məşqçisi Okan Buruk cəzalı olduğundan hər iki oyunu tribunadan izləməli olacaq.
ƏLİ
Digər xəbərlər
