''Ötən mövsüm olduğu kimi bu il də ÇL-in qrupunda iştirak etmək istəyirik. Həm ''Qalatasaray'', həm də Türkiyə futbolu üçün önəmli qarşılaşmaya çıxacağıq. Qarşımızda İsveçrənin son 4 ilinin çempionu var. Mövsümə uğurlu şəkildə start verməsələr də, heyət və fiziki durum baxımından kifayət qədər yaxşı komandadı. Düzdü, ilk oyunumuz səfərdədi. Amma burdakı meydanın süni ot örtüyə malik olması ''Yanq Boyz''a hər zaman üstünlük verir. Onlar həm çox qol vuran, həm də çox qol buraxan komandadı. Səviyyəmizi ortaya qoymalıyıq. Motivasiya, konsentrasiya və istək baxımından ən azı rəqiblə eyni səviyyədə olmalıyıq. Mən cəzalı olsam da, həm köməkçilərim, həm də futbolçularım kifayət qədər təcrübəlidi. Çox önəmli və lider keyfiyyətlərə malik futbolçularımız var. Hər kəs üzərinə düşəni edəcək. Bizim oyun gücümüz və planımız var. Bunu həyata keçirmək istəyirik. Oyunçuların hamısı gələcəkdə baş məşqçi olacaq. Meydanın kənarında yer alacaq köməkçilərimlə eyni duyğularda olmağa çalışacam''.