Türkiyə çempionatının 2-ci turunda ''Fənərbaxça'' ''Göztəpə''nin qonağı oldu. İstanbul nəhəngi ilk yarıya əlavə olunmuş dəqiqələrdə vurduğu qollarla fasiləyə iki topluq üstünlüklə yollandı. Hesabı penaltidən Ceko açdısa, çox keçmədən Ən-Nəsiri də fərqlənərək superliqada ilk qolunu vurdu. Amma debütant ''Göztəpə'' ikinci hissədə xarakter nümayiş etdirdi. Sabiq ''Qalatasaray''lı Koray Güntər fərqi azaltdısa, əsas vaxta əlavə olunan 5-ci dəqiqədə Romulo yekun nəticəni müəyyənləşdirdi. Beləliklə, ''Fənərbaxça'' Joze Mourinyonun başçılığı altında Türkiyə çempionatında ilk xal itkisi ilə artıq ikinci turda üzləşdi. Halbuki komanda ötən mövsüm İsmayıl Kartalın dönəmində ilk xallarını yalnız 11-ci turda itirmişdi. Daha bir maraqlı fakt odu ki, ''Fənər'' ''Göztəpə''yə qarşı çempionat çərçivəsində keçirdiyi son 12 səfər matçının cəmi 2-də qalib gəlib (7 heç-heçə, 3 məğlubiyyət)!

ƏLİ