Avqustun 9-da start götürəcək Türkiyə çempionatında təqvim müəyyənləşib.

Xatırladaq ki. 2024/25 mövsümündə superliqada 19 komanda çıxış edəcək. Bu da o deməkdi ki, hər tur bir komanda istirahət edəcək. 9-12 avqusta təsadüf edəcək ilk turun təqvimini sizə təqdim edirik:
Çaykur Rizəspor - İstanbul BŞ, Antalyaspor - Göztəpə, Bodrum - Qaziantep, Alanyaspor - Eyupspor, Kasımpaşa - Konyaspor, Sivasspor - Trabzonspor, Samsunspor - Beşiktaş, Qalatasaray - Hatayspor, Fənərbaxça - Adana Dəmirspor. ''Kayserispor'' ilk turu buraxacaq.

Nəhənglərdən ''Trabzonspor'' 2-ci turda, ''Beşiktaş'' 3-cü turda, ''Fənərbaxça'' 8-ci turda, ''Qalatasaray'' isə 11-ci turda istirahət edəcək. Nəhənglərin öz aralarındakı oyunlara gəlincə, artıq 5-ci turda ''Trabzonspor'' - ''Beşiktaş'' duelini izləyəcəyiksə, 6-cı turda Kadıköydə mövsümün ilk şah oyunu - ''Fənərbaxça'' - ''Qalatasaray'' derbisi baş tutacaq.

''Qalatasaray'' - ''Beşiktaş'' derbisi 10-cu tura təsadüf edəcəksə, 11-ci turda ''Fənərbaxça'' Trabzon səfərinə yollanacaq. ''Beşiktaş'' - ''Fənərbaxça'' derbisi 15-ci turda, ''Qalatasaray'' - ''Trabzonspor'' oyunu 16-cı turda keçiriləcək.

ƏLİ