''Fənərbaxça'' Çempionlar Liqasında 3-cü təsnifat mərhələsinin ilk oyununda səfərdə ''Lill'' ilə qarşılaşdı.

İstanbul nəhəngi Tyaqo Santosun 12-ci dəqiqədə vurduğu qolla hesabda geri düşsə də, İrfan Can Kahveci 80-ci dəqiqədə cərimə zərbəsini mükəmməl yerinə yetirdi. Amma son sözü yenə də fransızlar söylədi. Kosovolu Edon Jeqrova əsas vaxta əlavə olunmuş 1- i dəqiqədə komandasının qələbə qolunu vurdu. Cavab oyunu avqustun 13-də keçiriləcək. Bununla da ''Fənər'' Joze Mourinyonun başçılığı altında ilk dəfə rəsmi oyunda məğlubiyyət oldu.

Mourinyonun öz seriyası da qırıldı. Belə ki, ünlü portuqaliyalı mütəxəssis məşqçi karyerasında ilk dəfə avrokubokların təsnifat mərhələsində məğlubiyyət acısı yaşadı. Buna qədər onun komandaları təsnifat mərhələlərində 7 oyunun hamısından qələbə ilə ayrılmışdılar. Onu da bildirək ki, ''Fənərbaxça'' Fransa klublarına qarşı 22-ci oyunda 12-ci məğlubiyyətlə üzləşdi (5 qələbə, 5 heç-heçə). ''Fənərbaxça''nın avrokuboklar tarixində təmsilçilərinə ən çox uduzduğu ölkə məhz Fransadı.

ƏLİ