Kəpəz – Turan Tovuz 0:3 (0:2)
22. Məmməd Hüseynov – 4,5
2. İlkin Qırtımov – 4,5
(66. Arzu Atakişiyev, 68) – 4,5
7. Ehtiram Şahverdiyev – 5,0
99. Əli Səmədov – 4,5
6. Nemət Musayev – 4,5
17. Ümid Səmədov – 4,5
15. Cavad Kərimov – 5,0
(11. Orxan Əliyev, 65) – 4,5
78. Yeqor Kvalko (k) – 5,0
10. Karim Lkouça – 5,5
(44. Nihat Fərəci, 89) – qiymətsiz
19. Lassana Ndiaye – 5,0
77. Viktor Braqa – 5,0
Ehtiyat oyunçular
1. Rojerio Santos
18. Elgün Bayramov
3. Vurğun Hüseynov
20. Mahir Həsənov
Baş məşqçi: Adil Şükürov
Komandanın ən yaxşısı: Karim Lkouça

1. İvan Konovalov – 5,0
4. Şəhriyar Əliyev (k) – 4,5
10. Xəyal Nəcəfov – 6,0
(44. Rüfət Əhmədov, 80) – qiymətsiz
8. Tural Bayramlı – 4,5
(77. Veysəl Rzayev, 65) – 4,5
88. Faiq Hacıyev – 4,5
9. Kristian da Silva – 5,5
5. Roderik Miller – 5,5
(6. Araş Qaderi, 68) – 4,5
23. Alexandro Serrano – 5,0
15. Emmanuel Hakman – 4,5
25. Denis Marandiçi – 5,0
(11. Ayxan Quseynov, 80) – qiymətsiz
80. Otto Con – 4,5
(21. Aleks Souza, 65) – 4,5
Ehtiyat oyunçular
41. Sergey Samok
71. Mehman Hacıyev
39. Sadiq Quliyev
33. Eltun Turabov
7. İsmayıl Zülfüqarlı
70. Məzahir Məmmədzadə
20. İbrahim Ramazanov
Baş məşqçi: Kurban Berdiyev
Komandanın ən yaxşısı: Xəyal Nəcəfov
Qollar: X.Nəcəfov, 15 (0:1, O.Con). R.Miller, 19 (0:2, X.Nəcəfov). K.da Silva, 62 (0:3).
Vərəqələr: Ş.Əliyev, 45+2 (qeyri-idman hərəkəti). V.Braqa, 50 (qeyri-idman hərəkəti). A.Souza, 66 (qeyri-idman hərəkəti). Ü.Səmədov, 76 (qeyri-idman hərəkəti). A.Atakişiyev, 84 (qeyri-idman hərəkəti). E.Şahverdiyev, 90+2 (hakimin qərarına etiraz) – sarı.
Hakimlər: CAVİD CƏLİLOV, Kamran Bayramov, Zöhrab Abbasov, Rauf Allahverdiyev (hamısı Bakı).
VAR hakimi: Rauf Cabbarov (Bakı).
VAR hakiminin köməkçisi: Vüsal Məmmədov (Bakı).
Hakim-inspektor: Feyzulla Feyzullayev (Bakı).
AFFA nümayəndəsi: Azər Əsgərov (Bakı).
17 avqust. Tovuz. Şəhər stadionu. 5500 tamaşaçı (6500 yerlik).
Hər hissəyə 3 dəqiqə əlavə olunub.
Oyunun qiyməti: 5,5.

Cari mövsümdə də sponsorsuzluqdan əziyyət çəkən, ev oyunlarını doğma meydanda yox, kənarda keçirmək məcburiyyətində qalan “Kəpəz” tovuzluların stadionunda ...“Turan Tovuz”la qarşılaşdı. Gəncə təmsilçisi çempionatın startından üç tur keçməsinə baxmayaraq, hələ də rəqib qapısına yol tapa bilməyib. Heyətin böyük ölçüdə yenilənməsi isə Adil Şükürovun işini daha da çətinə salıb. Əvəzində yeni mövsümə Kurban Berdıyevin rəhbərliyi altında başlayan “Turan Tovuz” hələ ki yenilgi üzü görmədən turnir cədvəlinin ilk pilləsində qərarlaşıb. Doğrudu, bunda “Qarabağ”la “Zirə”nin bir oyun az keçirməsinin də rolu var. Hər nə qədər tərəflərin durumu kəskin şəkildə fərqlənsə də, regional rəqabət amili bu oyunu prinsipiallaşdırır.

Oyuna daha fəal başlayan tovuzlular artıq 15-ci dəqiqədə hesabı açdı. Marandiçinin ötürməsindən sonra Ottonun saxladığı topu Xəyal yumşaq zərbəylə tora qovuşdurdu – 0:1. Cəmi 3 dəqiqə sonra “sarı-göylər” hesabı bərabərləşdirməyə yaxın oldu. Karimin cərimə zərbəsindən qapı önünə göndərdiyi ötürmə zamanı Səmədovun başla “çərçivə”yə yönəltdiyi top dirəyə tuş gəldi. Qarşılığında tovuzlular hesab arasındakı fərqi 2 topa çatdırdı. Birinci qolu vuran Nəcəfovun qapı önünə ötürməsi zamanı topu başla uzaqlaşdırmağa çalışan Nemətin yol verdiyi kobud səhvi Roderik bağışlamadı. Panama millisinin oyunçusunun sol ayaqla yaxın güncə endirdiyi qüvvətli zərbə qarşısında Məmməd aciz qaldı – 0:2. Dolu tribunaların dəstəyindən ruhlanan Tovuz təmsilçisi növbəti qolu vurmaq üçün irəli atılmışdı. 22-ci dəqiqədə Kristianın ötürməsindən sonra hava mübarizəsindən qalib ayrılan Ottonun başla zərbəsi qapıdan yan keçdi. Bu zaman qol vurmamaq vurmaqdan daha çətin idi. Hesabda geridə olan meydan sahibləri hücuma çıxmaqda çətinlik çəksələr də, standart vəziyyətlər zamanı yetərincə təhlükəli olurdular. Belə məqamlardan biri də 26-cı dəqiqəyə təsadüf etdi. Viktorun künc zərbəsindən sonra qapı önünə göndərdiyi topu ilk növbədə Ndiaye başla qapıya göndərsə də, qolkiper bu vuruşu dəf etməyi bacardı. Epizodun davamında Musayevin də qüvvətli zərbəsini dəf edən Konovalov qapının toxunulmazlığını qorudu. Bu epizoddan sonra gəncəlilər tovuzluların bir qədər arxayınlaşması fonunda fəallığı nisbətən artırdı. İkinci hissədə də ilk təhlükəli vəziyyəti “bozqurd” yaratdı. 51-ci dəqiqədə Xəyal dubl etməyə yaxın oldu. Ancaq onun zərbəsini qolkiper iki cəhddə zərərsizləşdirdi. Cəmi 10 dəqiqəs sonra isə Kristian uzaq məsafədən qüvvətli vuruşla fərqi bir qədər də artırdı – 0:3. Üst dirəyə dəyib qapıya daxil olan topun qarşısında Məmməd aciz qaldı. 78-ci dəqiqədə Marandiçinin künc zərbəsi zamanı birbaşa uzaq “9-luğ”a göndərdiyi topu qapıçı çətinliklə dəf etdi. Epizodun davamında isə Şəhriyarın başla zərbəsi qeyri-dəqiq oldu. 87-ci dəqiqədə Ehtiramın ötürməsindən sonra cərimə meydançası daxilində olan Lkouçanın qüvvətli zərbəsinin qarşısını Konovalov aldı.

Beləliklə, mövsümün ilk qərb derbisində tovuzlular sevindi. Artıq irəliləyən hər turda Berdıyevin “əl işi” hiss olunur.

Gözedən qaçmadı
* Nominal meydan sahibi “Kəpəz” olsa da, heyətləri “Turan Tovuz”un nümayəndəsi açıqladı.
* Oyunu izləyənlər arasında millət vəkili Arzu Nağıyevlə “Araz-Naxçıvan”ın mətbuat xidmətinin rəhbəri Mahal Məmmədov da var idi.
* “Defend Ganja”, “Kapaz Ultras” və “Xəmsə” fanklubları tribunadaydı. Ancaq yerli azarkeşlər dəstək baxımından daha fəal idi.
* Oyundan sonra tovuzlu azarkeşlər həm “Kəpəz”i, həm də onun fanklublarını alqışladı.

KAMAL SƏFƏR