MBA-da konfrans yarımfinallarından ikisi başa çatdı. “Filadelfiya 76”nı ilk 4 oyunun hamısında məğlub edən “Nyu-York” Şərq konfransının finalına vəsiqə qazandı. “Niks” bu mərhələdə “Detroyt” – “Klivlend” cütünün qalibi ilə qarşılaşacaq.

Qərbdə isə konfrans finalına ilk vəsiqəni “Oklahoma-Siti” qazandı. Bu komanda heyətində əfsanəvi Lebron Ceymsin də olduğu “Leykers”ə heç bir şans vermədi – ardıcıl 4 qələbə! “Oklahoma-Siti” finalda “San-Antonio” – “Minnesota” cütünün qalibi ilə qarşılaşacaq.

Bu arada “Qolden Steyt”in baş məşqçisi Stiv Kerr klubla yeni – ikiillik müqavilə bağlayıb. ESPN-in yaydığı xəbərə görə, o, hələ də MBA-da ən yüksək ödənişli çalışdırıcıdı. Kerrin ötən mövsüm üçün maaşı 17,5 milyon dollar olub. Ünlü mütəxəssis ötən həftə klubun sahibi Co Leykob və baş meneceri Mayk Danlivi ilə bir neçə görüş keçirib.

Tərəflər komandanın heyətini, oyun fəlsəfəsini, sonrakı inkişaf planlarını müzakirə edib. ESPN-in xəbərində o da qeyd olunur ki, mövsümün gedişində Kerrin istefası variantı həqiqətən də gözdən keçirilib. Çalışdırıcı payızda müqavilə müddətini uzatmağa tələsmədiyini, mövsüm bitəndən sonra qərar verəcəyini demişdi.

Onu da xatırladaq ki, “Qolden Steyt” müntəzəm çempionatı 37 qələbə, 45 məğlubiyyət ilə Qərb konfransında 10-cu yerdə bitirib və pley-ində “Finiks”ə uduzub. Kerr 2014-cü ildən “sükanı arxasında” olduğ u “Qolden Steyt”i 4 dəfə çempion edib.

konfrans yarımfinalları
8 may
Detroyt – Klivlend 107:97 (25:18, 29:25, 25:32, 28:22)
Seriyada hesab – 2:0.
Oklahoma-Siti – Leykers 125:107 (27:23, 30:35, 36:22, 32:27)
Seriyada hesab – 2:0.

9 may
Filadelfiya 76 – Nyu-York 94:108 (31:27, 21:33, 24:25, 18:23)
Seriyada hesab – 0:3.
Minnesota – San-Antonio 108:115 (22:23, 29:28, 28:35, 29:29)
Seriyada hesab – 1:2.
Klivlend – Detroyt 116:109 (32:30, 32:18, 19:33, 33:28)
Seriyada hesab – 1:2.

10 may
Leykers – Oklahoma-Siti 108:131 (25:31, 34:26, 20:33, 29:41)
Seriyada hesab – 0:3.
Filadelfiya 76 – Nyu-York 114:144 (24:43, 33:38, 26:41, 31:22)
Seriyada hesab – 0:4.

11 may
Minnesota – San-Antonio 114:109 (34:30, 26:26, 20:28, 34:25)
Seriyada hesab – 2:2.

12 may
Klivlend – Detroyt 112:103 (21:24, 31:32, 38:21, 22:26)
Seriyada hesab – 2:2.
Leykers – Oklahoma-Siti 110:115 (26:21, 19:28, 39:31, 26:35)
Seriyada hesab – 0:4.

13 may
San-Antonio – Minnesota 126:97 (34:30, 25:17, 32:26, 35:24)
Seriyada hesab – 3:2.

14 may
Detroyt – Klivlend 113:117 ОТ (29:27, 31:25, 20:32, 23:19, 10:14)
Seriyada hesab – 2:3.