La Liqada sonuncudan əvvəlki tur faktiki heç bir suala cavab vermədi. Sadəcə, bir önəmli məqam var: elitanı tərk etmək təhlükəsi yaşayan komandaların sayı ikiqat azaldı. 37-ci tura qədər onların sayı 11-12-yə bərabər idisə, indi artıq 5-di.

Turun başqa olaylarına gəlincə, “Selta” 6-cı yeri təmin edə bilərdi, ancaq səfərdə “Atletik”lə heç-heçəyə (1:1) razılaşan viqolular “Xetafe”dən uzaqlaşa bilmədi. “Xetafe” isə səfərdə “Elçe”yə uduzmaqla (0:1) bu komandanın elitada qalmaqla bağlı ümidlərini artırdı. “Vilyarreal” artıq məğlubiyyətləri sıralayır. “Sarı sualtı qayıq” “Sevilya”nın ardından “Rayo Valyekano”ya da uduzdu (0:2).

“Atletiko” “Jirona”nı məğlub etməklə (1:0) həm 3-cü yeri tutmaq şansını artırdı, həm də rəqibini 18-ci pilləyə yuvarladı. Kataloniyalılar sonuncu turda özü kimi elitada qalmaq uğrunda oynayan “Elçe” ilə qarşılaşacaq. Həmin oyunda heç-heçə belə “Jirona”ya sərf etmir. Yeri gəlmişkən, “Atletiko” azarkeşləri Qrizmann ilə göz yaşı içində vidalaşdı.

Autsayderlər arasındakı əsas dueldə “Levante” “Malyorka” ilə qarşılaşdı. “Quru” hesablı qələbə (2:0) qazanan “qurbağalar” son tur ərəfəsində turnir vəziyyətini yetərincə yaxşılaşdırdı, 19-cu pilləyə yuvarlanan balearlıların isə elitada qalmaq üçün cüzi şansı var. “Barselona” üzərindəki ötən turdakı qələbədən ruhlanan “Alaves” “Ovyedo”nu da məğlub etməklə (1:0) elitada yerini qorudu. Ardıcıl ikinci qələbəsini “Osasuna” üzərində qazanan (2:1) “Espanyol” da turnir vəzifəsinin öhdəsindən gəldi. Əvəzində Pamplona təmsilçisi elitadan getmək təhlükəsi yaşayan komandalar sırasına qoşuldu.
Turun ən məhsuldar oyunu San-Sebastyanda keçirildi. “Real Sosyedad” artıq 3-cü dəqiqədə hesabda irəli çıxsa və “Valensiya” 70-ci dəqiqədə azlıqda qalsa da, qələbə qazana bilmədi. 4:3 hesablı qələbə qazanan “yarasalar” son tur ərəfəsində “avrokubok zonası”nın astanasındadı.

Sonda İspaniya futbolunun nəhənglərindən danışaq. “Real” Sevilyada eynihesablı komandanın müqavimətini yeganə, özü də mübahisəli qolla qırdı. Levandovskinin doğma azarleşlər önündə göründü son oyunda “Betis”i məğlub edən (3:1) “Barselona” ev oyunlarında maksimum nəticə göstərdi.

37-ci tur
Barselona – Betis 3:1
Rafinya, 28; 62. Kanselo, 74 – İsko, 69-p. (56870)
Barselona: X.Qarsiya, Kunde, E.Qarsiya (Arauxo, 63), Martin, Kanselo, Qavi, Bernal (Olmo, 75), Pedri, Rafinya (Bardqji, 63), Lopes (Balde, 46), Levandovski (Kasado, 85).
Sevilya – Real 0:1
Vinisius, 15. (40845)
Real: Kurtua, F.Qarsiya, Höysen, Rüdiger, Karvaxal, Çuameni (Kamavinqa, 70), Pitarç (Mastantuono, 70), Bellingem (Leyva, 87), Vinisius (Q.Qarsiya, 77), Dias (Aleksander-Arnold, 77).
Atletiko – Jirona 1:0
Lukman, 21. (64396)
Atletiko: Oblak, Pubil, Le Norman, Hantsko, Ruceri, Varqas (Morsilyo, 61), Koke, Baena (Sörlot, 61), Simeone (Almada, 46), Qrizmann, Lukman (Lanqle, 63).
Atletik – Selta 1:1
İ.Uilyams, 52 – Svedberq, 4. (45105)
Levante – Malyorka 2:0
Espi, 32. Arriaqa, 87. (22958)
Osasuna – Espanyol 1:2
Munyos, 49 – Romero, 27. K.Qarsiya, 53. (21186)
Rayo Valyekano – Vilyarreal 2:0
Kamelyo, 28. Alemao, 47. (12836)
Ovyedo – Alaves 0:1
Martines, 17. (21111)
Real Sosyedad – Valensiya 3:4
Munyos, 3. Tarreqa, 60-öz qapısına. Oskarsson, 63 – Gerra, 8; 90+3. Duro, 22. Rodriges, 89. (29466)
Elçe – Xetafe 1:0
Çust, 19. (28371)

36-cı turun oyunu: Real – Ovyedo 2:0 (Q.Qarsiya, 44. Bellingem, 80; 62774).

Həmin turun “Valensiya” – “Rayo Valyekano” oyununu (1:1) oyununu 45851, “Jirona” – “Real Sosyedad” oyununu (1:1) 12519 tamaşaçı izləyib.

1. Barselona 37 31 1 5 94-33 94
2. Real 37 26 5 6 73-33 83
3. Vilyarreal 37 21 6 10 67-45 69
4. Atletiko 37 21 6 10 61-39 69
5. Betis 37 14 15 8 57-47 57
6. Selta 37 13 12 12 52-48 51
7. Xetafe 37 14 6 17 31-38 48
8. Rayo Valyekano 37 11 14 12 39-43 47
9. Valensiya 37 12 10 15 43-54 46
10. Real Sosyedad 37 11 12 14 58-60 45
11. Espanyol 37 12 9 16 42-54 45
12. Atletik 37 13 6 18 41-54 45
13. Sevilya 37 12 7 18 46-59 43
14. Alaves 37 11 10 16 43-54 43
15. Levante 37 11 9 17 46-59 42
16. Osasuna 37 11 9 17 44-49 42
17. Elçe 37 10 12 15 48-56 42
18. Jirona 37 9 13 15 38-54 40
19. Malyorka 37 10 9 18 44-57 39
20. Ovyedo 37 6 11 20 26-57 29

Bombardirlər: Mbappe (Real) - 24, Muriqi (Malyorka) – 22, Budimir (Osasuna) – 17, Yamal, Torres (hər ikisi “Barselona”), Vinisius (Real) – 16.

Sonuncu turun oyunları mayın 23-24-də keçiriləcək: Alaves – Rayo Valyekano, Betis – Levante, Valensiya – Barselona, Jirona – Elçe, Malyorka – Ovyedo, Real – Atletik, Selta – Sevilya, Xetafe – Osasuna, Espanyol – Real Sosyedad, Vilyarreal – Atletiko.

Turun rəqəmi
19 – “Barselona” La Liqanın bütün tarixi ərzində 19 oyunun hamısında qələbə qazanan yeganə komandadı (top fərqi – 57:10). İndiyə qədər İspaniya çempionatında ev oyunlarında maksimum qələbə sayında rekord “Real”a məxsus idi. Madridlilər 1985/86 mövsümündə 17 ev oyununun hamısında qələbə qazanıb.

Turun ulduzu
Xavi Gerra (Valensiya) – “Barselona”dan Rafinya ilə yanaşı, o da dubl etdi. Amma biz turun ulduzu kimi Gerranı seçdik. Səbəb isə odu ki, “Real Sosyedad”la səfər oyununda dubl etmək daha çətindi.

Turun sitatı
Antuan Qrizmann, “Atletiko”nun hücumçusu (2019-da “Barselona”ya keçidi haqda):