Mahir Emrelinin şərəfini qoruduğu "Kayzerslautern" 2-ci bundesliqada mövsümün son oyununu keçirib. 34-cü turda "Maqdeburq"un qonağı olan "qırmızı iblislər" səfərdən 1:0 hesablı qələbəylə qayıdıb.

"Football-plus.az"ın məlumatına görə, Mahir 74-cü dəqiqədə meydana çıxıb. 28 yaşlı hücumçu yaxşı mənada fərqlənməsə də, meydana çıxdığı dəqiqədə sarı vərəqə alıb. Xalını 52-yə çatdıran "Kayzerslautern" mövsüçü 6-cı yerdə başa vurub. Mövsümü ilk iki pillədə bitirən "Şalke" və "Elversberq" elitaya vəsiqə qazanıb. 3-cü yeri tutan "Paderborn" isə elitada 16-cı yeri tutan "Volfsburq"la pley-off oyunu keçirəcək.
Qeyd edək ki, mövsümün əvvəlində bu komandayla 3 illik müqavilə imzalayan Emreli 2-ci bundesliqada 12 oyun keçirib. 1 qolla yadda qalan futbolçu 2 "sarı"yla üzləşib. O, burda cəmi 366 dəqiqə forma geyib. Almaniya kubokunda 1 oyun keçirən Mahir 1 qolla yadda qalıb.
Alman həmkarlarımız baş məşqçi Torsten Liberknextin onu komandada görmək istəmədiyini, yayda özünə yeni klub tapmalı olduğunu yazır. Deməli, Mahirin 1-ci bundesliqada oynamaq arzusu çin olmayacaq. Və ya ən azı "Kayzerslautern" ilə bu arzuya çatmayacaq.
KƏNAN BAHADIR