Milli Hokkey Liqasının finalında “Florida” ilə “Edmonton”un qarşılaşacağını xəbər vermişdik.

Final seriası bazar günü start götürəcək. “Edmonton”un hücumçusu Kori Perri MHL tarixinə beş fərqli komandanın heyətində Stenli kubokunun finalına çıxan ilk hokkeyçi kimi düşüb.

Perri əvvəllər “Anahaym” (2007), “Dallas” (2020), “Monreal” (2021) və “Tampa-Bey” ilə həlledici oyunda görünüb. Maraqlıdı ki, əvvəlki 4 finalın yalnız birində (2007) qələbə qazanıb. Perrinin bu nəticəsini əlamətdar edən daha bir məqam var. O, final seriyasında qalib gələrsə, MHL tarixində daha bir rekord müəyyənləşəcək. Axı Korrinin ilk çempionluğundan 17 il ötüb. İndiyə qədər Şimali Amerika liqasının tarixində birinci və ikinci çempionluğu arasında 17 il müddət ötən başqa bir hokkeyçi olmayıb. Hazırda bu göstəricidə rekordçu Kris Çeliosdu ki, onun qazandığı iki Stenli kubokunu (1986, 2002) bir-birindən 16 il ayırır.

39 yaşlı Perrinin cari pley-offda “Edmonton”un heyətində keçirdiyi 13 oyunda bir məhsuldar ötürmə ilə yadda qaldığını da xatırladaq.

“Florida” – “Edmonton” dueli ilə bağlı daha bir maraqlı fakt var. Belə ki, finalçı komandaları bir-birindən 4089 kilometr ayırır. Sanrayz və Edmonton şəhərləri arasındakı məsafə məhz bu qədərdi.