“Edmonton” – “Dallas” oyunundan sonra MHL-də finalçılar müəyyənləşdi.

“Football-plus.az” xəbər verir ki, “Edmonton”un hücumçisi Kori Perri pley-offda 209-cu oyununu keçirməklə bu göstəricidə 15-ci pilləyə yüksəldi. 39 yaşlı kanadalı forvard hesabında 208 oyun olan Ueyn Qretski ilə Yaromir Yaqrı arxada qoydu. MHL rekordu Kris Çeliosa məxsusdu (266). 2-ci pillədə Niklas Lidstrem (263), 3-cü pillədə isə Mark Messye (263) qərarlaşıb.

“Edmonton” “Dallas”ı 2:1 hesabıyla məğlub etməklə Stenli kubokunun finalına yüksəldi. “Neftçilər”in forvardı Konnor Makdevid bu oyunda 2 (1+1) xal topladı. 27 yaşlı kanadalı “Starz”la seriyada hesabına ümumilikdə 10 (3+7) xal yazdı. Makdevid karyerası ərzində 6-cı dəfə bir seriyada ən azı 10 xal toplamaqla bu göstəricidə Mario Lemyeyə çatdı. MHL-in tarixində hamıdan çox belə seriya müəyyənləşdirən oyunçular Ueyn Qretski (21), Mark Messye (8) və Denis Savardı (7). Ümumiyyətlə, Makdevid cari pley-offda keçirdioyi 18 oyunda 31 (5+26) xal toplayıb.

“Edmonton”un finaldakı rəqibi “Reyncers”lə seriyadan 4:2 hesabıyla qalib ayrılan “Florida”dı. “Panterz” ardıcıl 2-ci dəfə finala yüksəldi: bu komanda ötən il “Veqas”la seriyadan məğlub ayrılmışdı (1:4). Ümumiyyətlə, “Florida” indiyə qədər iki dəfə finala yüksəlib və hər iki halda uduzub. Atalar üçdən deyib!

1 iyun
Dallas – Edmonton 1:3 (0:1, 0:2, 1:0)
Seriyada hesab – 2:3.
2 iyun
Florida – Reyncers 2:1 (1:0, 0:0, 1:1)
Seriyada hesab – 4:2.
3 iyun
Edmonton – Dallas 2:1 (2:0, 0:0, 0:1)
Seriyada hesab – 4:2.