Stenli kuboku uğrunda mübarizədə konfranslarda 1/4 final mərhələsi arxada qaldı.

Mayın 14-də “Vaşinqton” seriyanın 6-cı oyununda “Florida”ya uduzmaqla kubok yolundan çəkildi. 2018-də Stenli kubokunu qazanan paytaxt klubu həmin vaxtdan bəri ardıcıl 4-cü dəfə ilk mərhələdə dayandı.

Elə həmin gün “Karolina”, ertəsi isə “Tampa-Bey” və “Edmonton” da seriyadan qalib ayrıldı. Nəhayət, dünən “Reyncers” və “Dallas” mübarizəni davam etdirmək hüququ qazandı. Növbəti mərhələnin cütləri: “Florida” - “Tampa-Bey”, “Reyncers” – “Karolina”, “Kolorado” – “Sent-Luis”, “Edmonton” – “Kalqari”.

“Edmonton”la “Los-Anceles” arasındakı 7-ci oyun birincilərin hücumçusu Konnor Makdevidin benefisinə çevrildi. Kapitan bu oyunda 2 (1+1) xal toplamaqla pley-offun ilk mərhələsindəki məhsuldar ötürmələrinin sayını 10-a çatdırdı. “Edmonton” tarixində indiyə qədər yalnız üç hokkeyçi bunu bacarmışdı: Ueyn Qretski (4 dəfə), Pol Koffi (1) və Mark Messye (1).
konfransların 1/4 finalı

14 may
Pittsburq – Reyncers 3:5 (2:0, 1:3, 0:2)
Seriyada hesab – 3:3.
Vaşinqton – Florida 3:4 ОТ (0:0, 1:1, 2:2, 0:1)
Seriyada hesab – 2:4.
Dallas – Kalqari 4:2 (1:0, 2:2, 1:0)
Seriyada hesab – 3:3.
Karolina – Boston 3:2 (1:0, 2:1, 0:1)
Seriyada hesab – 4:3.

15 may
Toronto – Tampa-Bey 1:2 (0:1, 1:1, 0:0)
Seriyada hesab – 3:4.
Edmonton – Los-Anceles 2:0 (0:0, 1:0, 1:0)
Seriyada hesab – 4:3.

16 may
Reyncers – Pittsburq 4:3 ОТ (1:1, 1:2, 1:0, 1:0)
Seriyada hesab – 4:3.
Kalqari – Dallas 3:2 ОТ (0:1, 2:1, 0:0, 1:0)
Seriyada hesab – 4:3.