MHL-in cari mövsümü ilə bağlı çox maraqlı statistik göstəricilər var. “Vaşinqton” son 6 oyunun hamısında uduzmaqla Stenli kuboku uğrunda mübarizə aparmaq şansını çətinə saldı. Əvəzində paytaxt klubunun rusiyalı hücumçusu Aleksandr Oveçkin növbəti rekordla öyünə bilər. O, “Kepitalz”ın “Karolina”ya 2:4 uduzduğu oyunda dubl etdi. Cari mövsümdə keçirdiyi 74 oyunda 62 (29+33) xal toplayan rusiyalı ulduz MHL-in snayperləri siyahısında yalnız Ueyn Qretskidən geri qalır. Oveçkin 851, kanadalı 894 qol vurub. 38 yaşlı rusiyalı bu liqanın tarixinə bir komandanın heyətində 850 qol vuran ilk hokkeyçu kimi düşdü. Qretski 894 qolu dörd fərqli komandanın – “Edmonton”, “Los-Anceles”, “Sent-Luis” və “Reyncers”in heyətində vurub.
MHL-də seçilən ruslardan biri də Kirill Kaprizovdu. 26 yaşlı forvard xal sayına görə “Minnesota” tarixində 7-ci pilləyə yüksəldi. O, komandasının srağagün “Çikaqo”ya 4:0 hesabıyla qalib gəldiyi oyunda 3 (2+1) xal topladı. Rusiyalı məhsuldar hərəkətlərin sayına (323) görə Endryu Bryunetti (321) arxada qoydu. 6-cı pillədə Pyer-Mark Buşar (347) qərarlaşıb. “Minnesota” tarixində ən çox xal toplayan hokkeyçi isə Mikko Koyvudu (709). Kaprizov cari mövsümdə keçirdiyi 70 oyunda 89 (41+48) xal toplayıb.
Daha bir cəlbedici statistika: cari mövsümdə üç hücumçu artıq 130 xal həddinə çatıb. “Kalqari” ilə oyunda iki məhsuldar ötürmə verən “Edmonton”un hücumçusu Konnor Makdevid 130-u fəth edən 3-cü hokkeyçidi. Onun hesabında 31 qol, 99 məhsuldar ötürmə var. Makdevidə qədər “Tampa-Bey”in rusiyalı forvardı Nikita Kuçerov (136 – 43+93) və “Kolorado”nun kapitanı Natan Makkinnon (133 – 48+85) da 130 xal toplamağı bacarıb. İndiyə qədər MHL tarixində yalnız 6 mövsümdə ən azı üç oyunçu 130 xal həddinə çatıb. Sonuncu dəfə belə hala 1992/93 mövsümündə təsadüf olunub – onda birdən-birə 6 hokkeyçi 130 və daha artıq xal toplamışdı.
6 aprel
Baffalo – Filadalfiya 4:2 (1:0, 2:1, 1:1)
Detroyt – Reyncers 3:4 (1:2, 2:1, 0:1)
Karolina – Vaşinqton 4:2 (0:2, 1:0, 3:0)
Edmonton – Kolorado 6:2 (2:2, 2:0, 2:0)
Anahaym – Sietl 1:3 (0:1, 1:2, 0:0)
Arizona – Veqas 7:4 (0:0, 1:4, 6:0)
Pittsburq – Tampa-Bey 5:4 (1:0, 3:1, 1:3)
Boston – Florida 3:2 ОТ (1:1, 1:0, 0:1, 1:0)
Çikaqo – Dallas 3:2 (0:0, 3:1, 0:1)
Minnesota – Vinnipeq 2:4 (2:2, 0:1, 0:1)
7 aprel
San-Xose – Sent-Luis 3:2 ОТ (0:0, 2:0, 0:2, 1:0)
Kolambus – Filadelfiya 6:2 (2:0, 2:1, 2:1)
Monreal – Toronto 2:4 (0:0, 2:4, 0:0)
Ottava - Nyu-Cersi 3:4 (0:3, 1:1, 2:0)
Aylenders – Neşvill 2:0 (0:0, 1:0, 1:0)
Kalqari – Edmonton 2:4 (0:1, 1:1, 1:2)
Los-Anceles – Vankuver 6:3 (2:1, 2:0, 2:2)
Detroyt – Baffalo 3:1 (3:1, 0:0, 0:0)
Çikaqo – Minnesota 0:4 (0:0, 0:3, 0:1)
8 aprel
Karolina – Kolambus 3:0 (2:0, 0:0, 1:0)
Vaşinqton – Ottava 2:3 ОТ (1:0, 1:1, 0:1, 0:1)
San-Xose – Arizona 2:5 (1:2, 1:0, 0:3)
Nyu-Cersi – Neşvill 2:3 Б (1:1, 0:0, 1:1, 0:0, 0:1)
Reyncers – Monreal 5:2 (0:1, 1:0, 4:1)
Anahaym – Sent-Luis 5:6 B (1:2, 1:2, 3:1, 0:0, 0:1)
Kolorado – Dallas 4:7 (1:2, 2:3, 1:2)