“Ehtiram Quliyevlə Ayxan Abbasov təkbətək danışıqdan sonra bu qərara gəldi” - Nəsibov açıqladı
Ayxan Abbasovun qəfil istefası futbol ictimaiyyəti üçün gözlənilməz oldu.
“Turan Tovuz” qarşılıqlı razılıq əsasında baş məşqçi ilə yolların ayrıldığını desə də, mütəxəssis, sadəcə, rəhbərliyin ona ehtiyac duymadığını bildirdi. Sürpriz ayrılığın səbəblərini öyrənmək üçün klubun idman direktoru Səməd Nəsibovla danışdıq:
“Qarşılıqlı razılıq əsasında yollar ayrıldı. Bildiyim yalnız bu qədərdi. Ehtiram Quliyevlə Ayxan Abbasov təkbətən danışıqdan sonra bu qərara gəldi. Daha detallı şəkildə özləri bilir”.
Hazırda “Turan Tovuz”un bir sıra şəxslərlə danışıq aparması və bunların arasında “Kəpəz”i çalışdıran Adil Şükürovun da olması ilə bağlı xəbərlər yayılır. Klub rəsmisi bu məsələyə belə münasibət bildirdi:
“Adil Şükürovun hələ “Kəpəz”lə müqaviləsi var. Doğrudu, danışıq apardığımız bir sıra mütəxəssislər var. Lakin ortada ciddi bir şey olmadığından ad çəkmək istəmirəm”.
KAMAL SƏFƏR
Digər xəbərlər
