“Deməli, biz bu ildən etibarən qarşımıza məqsəd qoymuşuq ki, bütün region klublarına dəstək göstərək. Yəni premyer-liqa, 1-ci liqa və 2-ci liqa klublarından söhbət gedir. Bu vaxta qədər daha çox fərdi əməkdaşlıqlar idi. İndi isə istəyirik ki, hamı faydalana bilsin. Bu baxımdan da indiki durumda belə başa düşürük ki, klublarda ən ciddi problem infrastrukturla bağlıdı. Klubların infrastrukturunun təkmilləşdirilməsi və əməkdaşların bacarıqlarının artırılması üçün əsasən üç sahə seçmişik. Bunlar strateji planlama, marketinq, kommunikasiya və gəlirlərin formalaşdırılması sahəsidi. Sözügedən sahələr üzrə dəstək göstərəcəyik. Klublara gəlincə, dörd qrupa bölünür. Artıq qərb regionunda yerləşən, yəni Ağdaşdan Tovuza qədər olan 7 klub üçün Gəncə şəhərində bir seminarımız baş tutub. Bundan sonra da mövzular üzrə müvafiq regionlarda seminarlar keçiriləcək. Paylaşımla bağlı hədəfim isə kənarda olan insanları da bura cəlb etməkdi. Yəni dövlət və özəl sektorlardan müvafiq sahələr üzrə kim özünü burda görürsə, dəstək göstərə bilər. Həmin insanları cəlb etməyə çalşırıq. O insanlar öz seçimlərinə uyğun olaraq, dəstək qrupunda yer alacaq. Dəstək qrupu isə ümumi proqramın hazırlanmasına kömək edəcək”.