''Macarıstanla görüşdə nəticə baxımından uduzsaq da, oyun baxımından heç də pis təsir bağışlamadıq. Yaxşı mübarizə apardıq. Hər şey qaydasındadı. Məşqlərimiz, toplantılarımız yaxşı keçir və ab-hava da gözəldi. Zədəli olduğum dönəmdə yığmadan kənar qalmalı oldum. Hər türk futbolçu yığmada yer almaq istəyir. Heyətə düşməsən belə, düşərgədə olmağın, məşqlərdə iştirak etməyin özü artıq pozitiv məqamdı. Mən artıq zədədən tamamilə qurtulmuşam və oynamağa hazıram. Son bir ayda ''Əl-Əhli''nin bütün oyunlarında iştirak etmişəm. Yeni imicimə gəlincə, özümü belə daha rahat hiss edirəm. Təbii ki, bəyənənlər də olacaq, bəyənməyənlər də. Amma mən hazırda bu cür daha yaxşı göründüyümü düşünürəm. Ümid edirəm ki, siz də mənim kimi düşünürsüz''.