Türkiyə yığmasının və ''Əl-Əhli''nin üzvü Merih Dəmiraldan xəbər var.

"Football-plus.az" xəbər verir ki, 25 yaşlı futbolçu əməliyyat olunub. Bu yay 20 milyon avro qarşılığında ''Atalanta''dan ''Əl-Əhli''yə keçən və Səudiyyə Ərəbistanı təmsilçisi ilə üçillik müqavilə imzalayan mərkəz müdafiəçisi yeni klubunda 5 rəsmi oyuna çıxmışdı. O, son vaxtlar zədədən əziyyət çəkirdi. Bu üzdən Merih Türkiyə yığmasının Xorvatiya və Latviyaya qarşı oyunlarını, eləcə də ''Əl-Əhli''nin son 2 matçını buraxmalı olmuşdu. Klubdan verilən məlumatda Merihin Avstriyanın İnnsburk şəhərində əməliyyat olunduğu qeyd olunub. Sağ dizin menisk əməliyyatı uğurlu keçib. Merihin yaşıl meydanlara nə vaxt qayıdacağı barədə məlumat verilmir. ''Fənərbaxça''nın yetirməsi olan bu futbolçu ''Atalanta''dan öncə ''Alkanense'', ''Sportinq'', ''Alanyaspor'', ''Sassuolo'' və ''Yuventus''un şərəfini qoruyub.

ƏLİ