Türkiyə yığmasının üzvü Merih Dəmiralın yeni klubunun adına rəsmən aydınlıq gəlib.

"Football-plus.az" xəbər verir ki, 25 yaşlı müdafiəçi 20 milyon avro qarşılığında ''Atalanta''dan Səudiyyə Ərəbistanı təmsilçisi ''Əl-Əhli''yə transfer olunub. Yeni klubu ilə üçillik müqavilə imzalayan Merih illik 12 milyon avro qazanacaq! Bununla da Dəmiral adını tarixə yazdırıb. O, indiyə qədər transferinə ümumilikdə ən çox pul xərclənilən türkiyəli oyunçuya çevrilib. ''Atalanta''ya qədər ''Sportinq'', ''Alanyaspor'', ''Sassuolo'' və ''Yuventus''da forma geyən Merihə görə ümumilikdə 77 milyon avro ödənilib. Belə ki, o, ''Sportinq''dən ''Alanyaspor''a 3,5 milyon avroya, ''Alanyaspor''dan ''Sassuolo''ya 8,5 milyon avroya, ''Sassuolo''dan ''Yuventus''a 20 milyon avroya, ''Yuventus''dan ''Atalanta''ya 25 milyon avroya və ''Atalanta''dan ''Əl-Əhli''yə 20 milyon avroya keçib. Bu yaxınlarda 15 milyon avro qarşılığında ''Marsel''dən ''Fənərbaxça''ya keçən Cengiz Ündər bu siyahıda 2-ci pillədədi. Bu futbolçuya görə indiyə qədər 49,5 milyon avro ödənilib. 3-cü pillədə Arda Turan (47 milyon avro), 4-cü pillədə Hakan Çalhanoğlu (41 milyon avro), 5-ci pillədə isə Ozan Kabak (33 milyon avro) qərarlaşıb.

ƏLİ