Türkiyə yığmasının üzvü Merih Dəmiral şəxsi həyatı ilə gündəmə gəlib.

Belə ki, istedadlı müdafiəçi ilk dəfə ata olub. Merih təxminən 1 il öncə əslən İsveçrədən olan model Haydi Luştaku ilə ailə həyatı qurmuşdu. Onların bu günlərdə oğlu dünyaya gəlib. Şəxsi həyatını gündəmə gətirməyi xoşlamayan Merih öz ''instaqram'' səhifəsində ilk dəfə həyat yoldaşı və oğluyla olan şəklini paylaşıb.

Qeyd edək ki, müqavilə ilə ''Yuventus''a məxsus olan və icarə əsasında ''Atalanta''nın şərəfini qoruyan 24 yaşlı futbolçu bu mövsüm 41 rəsmi oyunda 2 qol, 3 məhsuldar ötürmə ilə fərqlənib. Mövsümün gedişində iki dəfə ''Atalanta''da ayın oyunçusu seçilən Dəmiralın transfer dəyəri təxminən 30 milyon avro civarındadı.