“Martın 29-da “İmişli" ilə oyuna…” – incik “Sektor 56” qayıdır?
"Şamaxı" 1-ci liqaya düşəndən sonra ən böyük fanklubu "Sektor 56" komandanı dəstəkləməkdən imtina etmişdi.
Hazırda bölgə təmsilçisi elitaya qayıtmaq uğrunda mübarizə aparır. Görəsən, "Sektor 56" klubun indiki durumu haqda nə düşünür? “Şirlər”ə lazımi dəstək verilirmi? Bu sualları azarkeş qrupunun rəhbəri Loğman Məlikliyə ünvanladıq. Onun "Football-plus.az"a söylədikləri:
"İndiki "Şamaxı"nın oyununu çox bəyənirik. Klub nümayəndələri ilə söhbət edərkən belə bunu bildirdik. Oyunlara getməsək də, martın 29-da “İmişli" ilə oyuna səfər turu təşkil etmək fikrimiz var. İnşallah, qismət olsa, gedəcəyik. Komanda elitaya dönsə, qarşısına hədəflər qoysa, əvvəlki mövsümlərdə olduğu kimi, yenidən tribunaya qayıdacaq, yerimizi alıb, komandamıza dəstək olacağıq. İnanırıq ki bu mövsüm elitaya çıxsaq, hədəfləri olan "Şamaxı" izləyəcəyik".
GÜNAY SÜLEYMANOVA
