“Şamaxı” rəhbərliyi ilə azarkeşlər arasında problemin səbəbi nədi? – AÇIQLAMA
Bir neçə gün öncə “Şamaxı”nın azarkeş qrupu “Sektor 56”nın qurucusu ilə danışmışdıq.
Loğman Məlikli klubla aralarında müəyyən problemlərin olduğunu söyləmişdi. Bu üzdən də rəhbərliyin onlara səfər oyunlarına getmək üçün avtobus ayırmaq təklifini qəbul etməyiblər.
Maraqlıdı, azarkeşlərlə klub rəhbərliyi arasında hansı problemlər var? Bu suala cavab tapmaq üçün “Şamaxı”nın meneceri Fuad Rzayevlə əlaqə saxladıq. Onun “Football-plus.az” saytına açıqlaması belə oldu:
“Şamaxı” rəhbərliyinin fanklublarla heç bir problemi yoxdu. Ola bilər ki, əvvəlki rəhbərliklə aralarında bəzi məsələlər olub. Ancaq məlum dəyişiklikdən sonra azarkeşlərimizlə münaqişə yaşamamışıq. Avtobus məsələsinə gəlincə, bəli, “Qəbələ” ilə 2-ci turun oyunu üçün onlara avtobus ayırdıq. Bundan sonrakı səfər matçlarında da bizə müraciət edərək dəstək istəsələr, yenə kömək edəcəyik. Hər iki azarkeş qrupumuz klub tərəfindən ayrılan avtobuslarla komandanı dəstəkləməyə gedir”.
ŞAİR ABDULLA
