“Qərarımızda heç bir dəyişiklik yoxdu. Sözümüzün üstündəyik. Hələ 2022/23 mövsümünün əvvəlində klub rəhbərliyinə demişdik ki, premyer-liqada, sadəcə, yerli futbolçularla çətin rəqiblərə qarşı mübarizə böyük riskdi. Heç kimə sirr deyil ki, Şamaxıda futbol mədəniyyəti paytaxt və bəzi bölgələrdə olduğu səviyyədə deyil. Çox istəyirdik ki, klubumuz elita sıralarında qalsın. Təəssüf ki, hələ ilk mövsümdən belə yanlış addım atıldı və nəticəsi baha başa gəldi. “Şamaxı”ya 1-ci liqada uğurlar arzulayıram. “Sektor 56” dağılmayıb. Əlimdən gələni edirəm ki, uşaqları bir yerdə saxlayım. Amma bu o demək deyil ki, klub premyer-liqaya vəsiqə qazansa, bizdən əvvəlki dəstəyi görəcək. Düzdü, bölgəmizin adı üçün öz gücümüzə nələrsə etməyə çalışacağıq, amma hansısa güzəştdən söhbət gedə bilməz... Ümid edirəm ki, “Şamaxı” rəhbərliyində futboldan anlayan mütəxəssislərə yer verilər. Onlar da biz azarkeşlərin fikrini dinləyər, hörmətlə qarşılayar, problemlərimiz zamanı kömək edər. Bəlkə o zaman köhnə ab-hava bərpa oluna. Hələ ki klubla heç bir bağlantımız yoxdu. Sərbəst fəaliyyətimizə davam edirik”.