AFFA-dakı dəyişikliklər “Sektor 11”i tribunaya qaytardı
Milli komanda 4 ildi “Sektor 11” azarkeş qrupunun dəstəyindən məhrumdu.
Fanklub uğursuz nəticələrə və AFFA-nın idarəçiliyinə etiraz əlaməti kimi boykot yolunu seçmişdi. Lakin çərşənbə günü qrup gözlənilməz açıqlama ilə diqqəti çəkdi. “Sektor 11” “feysbuk” hesabından paylaşım edərək, boykotu dayandırdığını və növbəti matçlardan etibarən milliyə əvvəlki kimi tribunadan dəstək olacağını bəyan etdi.
Görəsən, “Sektor 11”in geridönüşünə nə səbəb olub? Bu suala cavab tapmaq üçün azarkeş qrupunun idarə heyətinin üzvü Elnur Tağıyevla danışdıq:
“4 il öncə milli komandanın uğursuz çıxışına görə boykot qərarı vermişdik və AFFA-da dəyişikliklər olmayacağı müddətdə tribunaya qayıtmayacağımızı bildirmişdik. Hazırda qrumda olan sturuktur dəyişikliklərindən sonra yenidən tribunaya qayıtmağa qərar verdik. İnanırıq ki, federasiyada dəyişikliklər davam edəcək”.
Qeyd edək ki, “Sektor 11” 2010-cu il iyulun 1-də fəaliyyətə başlayıb. Qrup qısa müddətdə tanındı və fəal azarkeşləri ətrafında toplamağı bacarıb. “Sektor 11” adını götümələrinə səbəb isə millinin oyunlarını Tofiq Bəhramov adına Respublika stadionunun 11-ci sektorundan izləmələridi.
SƏNƏM FƏRHADOVA
Digər xəbərlər
