Artıq bir ildi həbsdə olan Daniel Alveşlə bağlı növbəti xəbər yayılıb.

"Football-plus.az" xəbər verir ki, braziliya millisinin sabiq müdafiəçisi müvəqqəti azadlığa buraxıla bilər.

Bu barədə “Mundo Deportivo” məlumat yayıb. Məşhur futbolçu 2022-ci ilin sonunda Barselonadakı gecə klubunda bir qıza təcavüz etməkdə təqsirli bilinib və həbs edilib. Hakim Alveşi 4,5 il müddətinə azadlıqdan məhrum edən qərar çıxarıb. Qeyd edək ki, bir müddət əvvəl onun vəkili cəzanın yüngülləşdirilməsi üçün apellyasiya şikayəti vermişdi.

Son xəbərdə səbəbkarın martın 19-da müvəqqəti azadlığa buraxılması haqda müraciəti ilə bağlı dinləmələrin keçiriləcəyi bildirilir. Bu petisiya qəbul olunarsa, braziliyalı futbolçu hökm qanuni qüvvəyə minənə qədər azadlıqda qalacaq.