Santi Mina bir neçə il əvvəlki hərəkətinə görə cəzalanıb: “Selta”nın oyunçusu 4 il müddətinə azadlıqdan məhrum edilib.

“Marka” qəzetinin xəbərinə görə, 27 yaşlı hücumçu 2017-ci ilin yayında bir qıza təcavüz etməkdə günahkar bilinib. Qız Mina ilə cinsi əlaqəyə girmək istəməsə də, futbolçunun təcavüzünə məruz qalıb. Zərərçəkmiş hadisədən sonra psixoloji problemlər yaşayıb. Qeyd edək ki, prokurorluq Santinin 8 il müddətinə azadlıqdan məhrum edilməsi, 10 il müddətinə zərərçəkmişə 500 metrdən az məsafədən yaxınlaşmasına qadağa qoyulması və 10 il müddətinə şərti cəzaya məhkum edilməsini istəyib. Məhkəmə “Selta”da 2019-cu ildən oynayan futbolçunu 4 il müddətinə azadlıqdan məhrum edib və ona 12 il müddətinə zərərçəkənə 500 metrdən az məsafədən yaxınlaşmağa qadağa qoyub.