Daniel Alveş artıq bir neçə həftədi məhbus həyatı yaşayır.

Football-plus.az xəbər verir ki, Braziliya yığmasının sabiq müdafiəçisi həbsdən zaminə buraxılmayacaq. Xatırladaq ki, braziliyalı müdafiəçi ötən il dekabrın 30-da Barselonadakı gecə klubunda qıza təcavüz etməkdə ittiham olunduğu üçün həbs edilib. Günahı sübut olunacağı halda ona 4 ildən 12 ilə qədər həbs cəzası verilə bilər. Bu iş üzrə məhkəmənin vaxtı hələ ki məlum deyil. Vəkilləri Alveşin zaminə buraxılması üçün məhkəməyə müraciət ediblər. Lakin Barselona məhkəməsi müdafiə tərəfinin müvafiq tələbini rədd edərək, braziliyalının zorlama işi üzrə məhkəməyə qədər istintaq təcridxanasında qalmasına qərar verib. Məlumata görə, futbolçunun vəkilləri həbs müddətini elektron izləmə qolbağından istifadə və pasportun müsadirəsi kimi digər tədbirlərlə əvəz etməyi təklif ediblər. Onlar həmçinin Danieli hər gün yoxlamağa razılaşıblar. Amma hakim bu variantlarla razılaşmayıb və yanvarın 20-də verilən futbolçunun zaminə buraxılmadan həbs qərarını qüvvədə saxlayıb.

Yeri gəlmişkən, Daniel növbəti dəfə ifadə verib. O, baş verən hadisə ilə bağlı ilkin ifadəsini nə üçün iki dəfə dəyişməsinə aydınlıq gətirib: