“Zenit” darmadağınla zirvəyə yüksəldi – TURUN ŞƏRHİ
Tur cümə günü keçirilən iki maraqlı qarşılaşma ilə start götürdü.
"Football-plus.az" xəbər verir ki, ÇSKA çətin Samara səfərində mərkəz müdafiəçisi Roşanın dublu sayəsində qalib gəldi. Braziliyalı hər iki qolu başla vurdu. “Hərbçilər”in heyətində premyer-liqada başla iki qol vuran sonuncu müdafiəçi 2011-ci ildə “Amkar”la oyunda Sergey İqnaşeviç olmuşdu. Yeri gəlmişkən, ÇSKA-nın və Rusiya futbolunun əfsanəsi Akinfeyev hesabına daha bir qaytarılan penalti yazdı! Təcrübəli qapıçı müvafiq statistikanın aparılmağa başlandığı 2009-cu ildən bəri premyer-liqada hamıdan çox – 15 penalti dəf edib. “Krasnodar” belə getsə, “Zenit”in tempinə tab gətirə bilməyəcək. Uzun müddət turnir cədvəlinə başçılıq edən bu komanda qış fasiləsindən bəri özünə bənzəmir. “Öküzlər” ötən tur evdə “Rubin”lə bacara bilməmişdisə, bu dəfə Rostovdan xalsız qayıtdı.
“Ural”ı səfərdə darmadağın edən “Zenit” “Krasnodar”ın bu hədiyyəsindən gözəl faydalanaraq 3 turluq fasilədən sonra yenidən zirvəyə yüksəldi. Maraqlıdı ki, Sankt-Peterburq nəhəngi elitada “Ural”a qarşı keçirdiyi 26 oyunun heç birində uduzmayıb (22 qələbə, 4 heç-heçə). Bu, Rusiya çempionatı üçün rekord göstəricidi. Buna qədər bir komandanın bir rəqibə ilk 26 oyunda uduzmaması faktına rast gəlinməmişdi. Sergey Semakın əsas “cokeri” Sergeyevin növbəti dəfə sonradan meydana çıxaraq qol vurması diqqəti çəkdi. O, indiyə qədər piterlilərin heyətində premyer-liqada 20 qoldan 10-nu sonradan meydana çıxaraq vurub. Bu, klubun XXI əsrdə rekord göstəricisidi. “Dinamo” inamlı mövsüm keçirməkdə davam edir. “Axmat”ı 2 cavabsız qolla məğlub edən Moskva təmsilçisinin premyer-liqada məğlubiyyətsiz seriyası 11 oyuna çatdı. Bu, “Dinamo”nun 2012/13-dən bəri ən yaxşı seriyasıdı. Moskvanın digər nəhəngləri – “Lokomotiv” və “Spartak” üçün isə tur uğursuz alındı. “Loko” evdə autsayder “Soçi” ilə bacara bilmədisə, ot örtüyündə problem yaşayan və bu turun ev oyununu “Lujniki”də keçirməli olan “Spartak” yenə “Fakel”ə 0:2 hesabıyla uduzdu. Voronejlilər ilk dövrədə də bu hesabla üstün olmuşdular. Maraqlıdı ki, “Spartak” ötən mövsüm cəmi 6 dəfə uduzmuşdusa, bu mövsüm artıq 20-ci turdan sonra 7 məğlubiyyəti var. Abaskalın istefası barədə söz-söhbət yenidən baş qaldırb.
20-ci tur
Ural – Zenit 1:4
Bikfalvi, 90+2 – Santos, 38. Mostovoy, 57. Kassyerra, 66. Sergeyev, 81.
Zenit: Adamov, Fernandes (Alip, 82), Yerakoviç, Nino, Santos, Vendel (İzidor, 85), Barrios, Klaudinyo, Artur (Pedro, 73), Mostovoy (Mantuan, 82), Kassyerra (Sergeyev, 73).
Rostov – Krasnodar 2:1
Mohebi, 25; 61 – Kordoba, 66.
Krasnodar: Safonov, Volkov, Tormena, Alonso, Olasa, Sa (Kobnan, 83), Pina (Banyats, 46), Krivtsov (Çernikov, 83), Olusequn, Batçi (Kadi, 83), Kordoba.
Spartak – Fakel 0:2
Markov, 37-p. Prutsev, 66-öz qapısına.
Spartak: Maksimenko, Zobnin (Litvinov, 69), Duarte, Babiç, Ryabçuk (Sobolev, 65), Prutsev (Cikiya, 69), Martins (Umyarov, 46), Medina (Mozes, 65), Zinkovski, İqnatov, Uqalde.
Krılya Sovetov – ÇSKA 0:2
Roşa, 3; 49.
ÇSKA: Akinfeyev, Kellven, Diveyev, Roşa, Moyzes, Qayiç, Zdelar, Mendes, Oblyakov (Fayzullayev, 77), Davila (Zabolotnı, 70), Çalov (Musayev, 70).
Lokomotiv – Soçi 2:2
Jemaletdinov, 2. Qluşenkov, 42 – Yusupov, 4. Marselo, 51.
Lokomotiv: Lantratov, Nenaxov (Pinyaev, 70), Nyamsi, Morozov, Samoşnikov, Karpukas, Barinov (Mirançuk, 84), Qluşenkov, Jemaletdinov (Mitay, 56), Tiknizyan, Süleymanov (Dzyuba, 56).
Dinamo – Axmat 2:0
Çaves, 39. Tyukavin, 62.
Rubin – Nijni Novqorod 0:1
Troşeçkin, 5.
Orenburq – Baltika 1:0
Marin, 80.
1. Zenit 20 12 4 4 39-18 40
2. Krasnodar 20 11 6 3 30-17 39
3. Dinamo 20 10 8 2 33-23 38
4. ÇSKA 20 8 8 4 34-25 32
5. Lokomotiv 20 8 8 4 32-27 32
6. Spartak 20 9 4 7 27-26 31
7. Rubin 20 8 5 7 18-23 29
8. Krılya Sovetov 20 8 5 7 36-31 29
9. Nijni Novqorod 20 8 4 8 17-17 28
10. Rostov 20 7 6 7 28-30 27
11. Fakel 20 6 7 7 18-20 25
12. Axmat 20 5 5 10 19-25 20
13. Ural 20 5 4 11 19-33 19
14. Orenburq 20 4 7 9 21-29 19
15. Baltika 20 3 5 12 12-25 14
16. Soçi 20 3 4 13 19-33 13
Bombardirlər: Kassyerra (Zenit) – 15, Kordoba (Krasnodar), Tyukavin (Dinamo) – 9, Spertsyan (Krasnodar), Çalov (ÇSKA), Qarre (Krılya Sovetov) – 8.
Növbəti turun oyunları martın 29-31-i aralığında keçiriləcək: Spartak – Ural, Krılya Sovetov – Zenit, Dinamo – Rostov, Lokomotiv – Krasnodar, Soçi – ÇSKA, Rubin – Axmat, Fakel – Orenburq, Baltika – Nijni Novqorod.
Oyundan sonra
Sergey Semak, “Zenit”in baş məşqçisi:
“İlk yarıda rəqibə bizim qapıya yaxınlaşmağa imkan vermədik. Özümüz isə fürsətlərdən yalnız birini dəyərləndirdik. Buna baxmayaraq, oyunumuzun səviyyəsi məni qane etdi. İkinci hissədə oyun açıldı. Qol vəziyyətləri daha çox yaranmağa başladı. Biz hər oyun ərəfəsində standart vəziyyətlər üzərində çalışırıq. Bəzən bu cür şəkildə qol vurmaq alınır, bəzən isə alınmır. Yeni transferlərimizdən Nino və Artur özünü yaxşı tərəfdən göstərdi. Sonradan oyuna qoşulan Pedroya isə bu cür meydanda nəsə etmək çətin oldu. Kassyerra rəqiblə toqquşmadan sonra başında ağrı hiss etdiyi üçün əvəzlənməsini istədi. Ümid edirəm ki, ciddi bir şey yoxdu”.
Gilyermo Abaskal, “Spartak”ın baş məşqçisi:
“Məğlubiyyətimizin səbəbi nədi? İki səhv, konsentrasiyanı itirməyimiz, penalti və avtoqol. Qol vura bilmədikdə qalib gəlmək mümkün olmur. Bu gün sanki rəqibin üstünə getməkdən çəkinirdik. Topun hərəkət tempi istənilən səviyyədə deyildi. Vingerlərimizdən də düzgün yararlana bilmədik. 3-4 fürsətimiz oldu. Onlardan, heç olmasa, birini qola çevirməliydik. Hesab 0:2 olandan sonra B planına, yəni Sobolevi irəli buraxmaqla 3-4-2-1-ə keçdik. Bundan sonra sanki irəlidə canlandıq. Amma heç cür qol vura bilmədik. Bu gün qərarlı deyildik. Zərbələrimiz də zəif alınırdı. Səhvləri təhlil edib irəli boylanmalıyıq. “Spartak” mənsiz daha yaxşı oynayır? Siz həyat yoldaşınızdan onun sizsiz xoşbəxt olub-olmadığını soruşa bilərsizmi?”
Digər xəbərlər
