“Zenit” çempionluğu rəsmiləşdirəndən bəri heç-heçələri sıralamaqda davam edir. “Krasnodar” və “Orenburq”la görüşlərdəki 2:2-lərdən sonra Sankt-Peterburq təmsilçisi bu dəfə səfərdə “Soçi” ilə 1:1 oynadı.

Meydan sahibləri artıq 33-cü saniyədə hesabı açdılar. Bu, “Zenit”in premyer-liqada 2009-dan bu yana buraxdığı ən erkən qol oldu. Mantuanın 2-ci hissənin əvvəllərində cərimə zərbəsindən vurduğu baxımlı qol Sergey Semakın kollektivini məğlubiyyətdən xilas etdi. 2-ci pillə uğrundə gərgin rəqabət aparan ÇSKA ilə “Spartak”ın oyunlarında qapılara qol vurulmadı. “Hərbçilər”in Krasnodarda qələbəyə həsrət qalması gözlənilməzlik olmadı. 57-ci dəqiqədən azlıqda oynayan “Krasnodar”ın oktyabrın 30-dan bəri davam edən 13 oyunluq qol vurmaq seriyası qırıldı. Amma “Spartak”ın öz meydanında autsayderlərdən olan “Nijni Novqorod”un qapısına yol tapa bilməməsi sürpriz oldu. Halbuki Moskva nəhəngi qalib gəlsəydi, 2-ci pilləni ələ keçirəcəkdi.

Onu da bildirək ki, “Spartak”ın çempionat çərçivəsində evdəki məğlubiyyətsiz seriyası 12 oyuna çatdı (7 qələbə, 5 heç-heçə). Bu, komandanın 2017-dən bəri ən yaxşı seriyasıdı. Bu mövsüm “ağ-qaralar” evdə yalnız “Zenit”ə boyun əydilər. “Fakel”in “Krılya Sovetov”u yenməsi ilə bu komandaların turnir cədvəlindəki yerləri dəyişdi. Son 4 turda 3-cü qələbəsini qazanan Voronej təmsilçisi xilasedici 12-ci pilləyə yüksəldisə, samaralılar pley-off zonasına – 13-cü pilləyə gerilədilər. Özü də son turda “Krılya Sovetov”u “Spartak”la çətin oyun gözləyir. Moskva derbisində “Lokomotiv” səfərdə “Dinamo” ilə oyunda əzmkar və layiqli qələbə qazandı. Bunu gözləmək olardı. Çünki qış fasiləsindən bəri “Loko” həm ən çox xal (29) toplayan, həm də ən çox qol (31) vuran komandadı. “Dəmiryolçular” həm də ardıcıl 14-cü çempionat oyununda qol vurmaqla 2013-dən bu yana ən yaxşı seriyalarına imza atdılar.

29-cu tur
Soçi – Zenit 1:1
Yusupov, 1 – Mantuan, 50.
Zenit: Vasyutin, Adamov (Karavayev, 46), Çistyakov, Alip, Kruqovoy, Barrios, Kuzyaev, Mantuan (Baranovski, 73), Mostovoy (Sutormin, 65), Sergeyev (Yeroxin, 65), Kassyerra (Kozlov, 90+1).

Krasnodar – ÇSKA 0:0
ÇSKA: Akinfeyev, Qayiç (Nababkin, 84), Roşa, Diveyev, Moyzes, Medina (Zaynutdinov, 84), Zdelar, Mendes (Kuçayev, 84), Oblyakov (Qlebov, 88), Çalov, Zabolotnı.

Spartak – Nijni Novqorod 0:0
Spartak: Selixov, Denisov, Çernov (Prutsev, 78), Cikiya, Tavareş (Xluseviç, 72), Zobnin, Litvinov, Zinkovski, İqnatov (Mozes, 62), Promes, Balde (Nikolson, 72).

Dinamo – Lokomotiv 2:4
Smolov, 45+4-p. Sazonov, 55 – Tiknizyan, 45. Qluşenkov, 63. Nenaxov, 77. İzidor, 88.
Lokomotiv: Lantratov, Nenaxov, Kuzmiçev, Mitay, Tiknizyan, Karpukas, Kulikov (Maradişvili, 74), Kamano (Pinyaev, 46), Jemaletdinov, Mirançuk (İzidor, 74), Dzyuba (İqnatyev, 90+2).

Rostov – Axmat 3:2
Qolenkov, 6; 11. Proxin, 73 – Ağalarov, 32. Karapuzov, 40.

Fakel – Krılya Sovetov 2:1
Mendel, 12. Akbaşev, 57 – Rasskazov, 75.

Ximki – Ural 0:3
Yuşin, 24; 40. Mişkiç, 63.

Torpedo – Orenburq 1:3
Çuriç, 45 – Vorobyov, 42-p. Marin, 50-p. Kapustyanski, 87.

1. Zenit 29 20 7 2 73-20 67
2. ÇSKA 29 16 7 6 52-26 55
3. Spartak 29 15 9 5 60-37 54
4. Rostov 29 15 8 6 47-40 53
5. Axmat 29 15 4 10 49-37 49
6. Krasnodar 29 13 8 8 60-44 47
7. Dinamo 29 13 6 10 49-42 45
8. Orenburq 29 13 4 12 55-55 43
9. Lokomotiv 29 12 6 11 51-45 42
10. Soçi 29 11 5 13 37-53 38
11. Ural 29 9 6 14 32-45 33
12. Fakel 29 6 12 11 36-47 30
13. Krılya Sovetov 29 7 8 14 31-45 29
14. Nijni Novqorod 29 7 6 16 31-50 27
15. Ximki 29 4 6 19 25-65 18
16. Torpedo 29 3 4 22 21-58 13

Bombardirlər: Malkom (Zenit) – 23, Promes (Spartak) – 20, Çalov (ÇSKA) – 17.

Sonuncu turun oyunları iyunun 3-də keçiriləcək: Zenit – Fakel, ÇSKA – Rostov, Krılya Sovetov – Spartak, Lokomotiv – Torpedo, Axmat – Krasnodar, Orenburq – Dinamo, Nijni Novqorod – Ximki, Ural – Soçi.