Tur “Axmat”ın Yekaterinburqdakı minimal hesablı qələbəsi ilə start götürdü.

“Football-plus.az” xəbər verir ki, Qroznı təmsilçisində məşqçi dəyişikliyi qısa müddətdə effekt verməyə başlayıb. Miroslav Romaşenkonun təyinatından sonra “Axmat” 3 oyuna 7 xal toplayıb və bu qarşılaşmalarda qol buraxmayıb.

Şənbə günü meydan sahibləri qonaqlara göz açmağa imkan vermədilər. “Nijni Novqorod” “Rubin”i, “Krılya Sovetov” isə “Fakel”i evə əliboş yola saldı. 7 tura 14 xaql toplayan Samara təmsilçisi son 22 ildəki ən uğurlu startını reallaşdırıb. Komanda 2001-də 7 tura 19 xal toplamışdı. Günün mərkəzi oyununda “Spartak”a daha bir zərbəni lider “Krasnodar” vurdu. Çox aciz təsir bağışlayan Moskva nəhəngi haqlı məğlubiyyətlə üzləşdi. İlk 3 turda maksimum xal toplayan “Spartak” sonrakı 4 turda hesabına cəmi 1 xal yaza bilib. “Ağ-qırmızılar” sonuncu dəfə 7 turdan sonra bundan daha az xalı 2017/18-də toplamışdılar. Komandanın premyer-liqada 4 oyunluq qələbəsiz seriyası isə sonuncu dəfə 2021-in payızına təsadüf etmişdi. Artıq “Spartak” cəbhəsində baş məşqçi Gilyermo Abaskalın istefası ciddi şəkildə müzakirə olunmağa başlayıb. “Spartak” 7 turdan sonra Moskva klubları arasında ən zəif kollektivdi. Maraqlıdı ki, liderliyini bir qədər də möhkəmləndirən “Krasnodar” bu mövsüm bir dəqiqə də olsun, hesabda geri düşməyib. İlk 7 tura 2 buraxılan qol klub tarixinin yeni rekordudu.

Bazar günü “Soçi”ni öz meydanında darmadağın edən “Orenburq” mövsümdə ilk qələbəsini qazandı. “Lokomotiv” çətinliklə də olsa, debütant “Baltika” ilə oyunda qələbə hesabını qoruya bildi. “Loko” həm ilk ev qələbəsini qazandı, həm də bu mövsüm ilk dəfə 2 oyunluq qələbə seriyası yaxaladı. Turun mərkəzi oyununda “Zenit”i qəbul edən ÇSKA güclü rəqibi ardılcıl 2-ci ev oyununda yenməyə çox yaxın idi. Zabolotnı görüşün əvvəlində qapıçı Kerjakovun kobud səhvindən sonra hesabı açdı və bu nəticə uzun müddət dəyişmədi. Amma son illərin dəyişməz çempionunun təzyiqi 88-ci dəqiqədə bəhrə verdi. “Zenit” Sergey Semakın dönəmində yalnız bir dəfə eyni komandaya ardıcıl iki oyunda uduzub. Bu hadisə 2020/21-də Leonid Slutskinin “Rubin”i ilə oyunlarda baş verib.

7-ci tur
ÇSKA – Zenit 1:1
Zabolotnı, 4 – Santos, 88.
ÇSKA: Torop, Xellven (Muxin, 74), Nababkin, Roşa, Moyzes, Qayiç, Oblyakov, Zdelar, Mendes, Çalov (Davila, 74), Zabolotnı.
Zenit: Kerjakov, Fernandes (Mostovoy, 82), Karavayev (Kruqovoy, 71), Alip, Yerakoviç, Santos, Barrios, Vendel, Klaudinyo, Sergeyev (Mantuan, 71), Kassyerra (Yeroxin, 82).

Krasnodar – Spartak 2:0
Kordoba, 39. Spertsyan, 84-p.
Spartak: Selixov, Denisov (Melyoşin, 85), Duarte, Cikiya (Babiç, 73), Ryabçuk, Zobnin, Umyarov (Litvinov, 46), Bonqonda (Medina, 73), İqnatov (Zinkovski, 63), Promes, Sobolev.

Lokomotiv – Baltika 3:2
Dzyuba, 9. Mirançuk, 17. Barinov, 34 – Quzina, 50. Pryaxin, 65.
Lokomotiv: Lantratov, Nenaxov (Samoşnikov, 81), Kuzmiçev, Fasson, Tiknizyan (Silyanov, 62), Barinov, Karpukas (Kulikov, 62), Pinyaev, Mirançuk (Mitay, 73), Qluşenkov (Maradişvili, 81), Dzyuba.

Rostov – Dinamo 1:2
Qrulyov, 90-öz qapısına – Makarov, 10. Nqamalyo, 42.

Krılya Sovetov – Fakel 3:0
Kostantsa, 28-p. Rahmanoviç, 66. Şitov, 70.

Ural – Axmat 0:1
Konate, 44-p.

Nijni Novqorod – Rubin 2:1
Kalinski, 16-p. Sevikyan, 28 – Qotsuk, 50-p.

Orenburq – Soçi 3:0
Mansilya, 55-p. Obuxov, 58. Kuero, 90+6-p.

1. Krasnodar 7 5 2 0 11-2 17
2. Zenit 7 4 2 1 15-6 14
3. Krılya Sovetov 7 4 2 1 17-9 14
4. Dinamo 7 4 2 1 15-12 14
5. Ural 7 4 1 2 8-8 13
6. Lokomotiv 7 3 3 1 13-11 12
7. ÇSKA 7 3 2 2 14-10 11
8. Axmat 7 3 1 3 10-8 10
9. Spartak 7 3 1 3 12-12 10
10. Nijni Novqorod 7 3 1 3 5-6 10
11. Rostov 7 2 1 4 8-14 7
12. Soçi 7 2 0 5 8-11 6
13. Rubin 7 1 3 3 9-15 6
14. Orenburq 7 1 2 4 7-13 5
15. Fakel 7 1 1 5 5-13 4
16. Baltika 7 1 0 6 6-13 3
Bombardirlər: Kassyerra (Zenit) – 6, Çalov, Zabolotnı (hər iki ÇSKA), Spertsyan (Krasnodar) – 4.
Növbəti turun oyunları sentyabrın 15-17-si aralığında keçiriləcək: ÇSKA – Krılya Sovetov, Lokomotiv – Orenburq, Axmat – Krasnodar, Soçi – Spartak, Rubin – Zenit, Baltika – Rostov, Ural – Fakel, Dinamo – Nijni Novqorod.