"Fuşe Kosovo"nun prezidenti onlarla danışsa da, heç nə dəyişmədi” – Elvin Yunuszadənin transferi alınmadı
Sonuncu dəfə "İrəvan"da çıxış edən 31 yaşlı Elvin Yunuszadə Kosovonun "Fuşe Kosovo" klubu ilə razılıq əldə etdiyini xəbər vermişdik.
Kosovonun ölkəmizdə səfirliyi olmadığı üçün bir aydan çoxdu viza məsələsini İstanbulda həll etməyə çalışan futbolçu ilə əlaqə saxladıq, yeni komandasına nə vaxt qoşulacağını öyrənməyə çalışdıq. Onun “Football-plus.az”a dedikləri:
"Kosovo ilə diplomatik münasibətlərimiz olmadığı üçün işimiz ləngidi. Artıq ölkə “Şengen vizası” zonasına keçdiyi üçün viza məsələsi daha da çətinləşdi. Viza verməyi çox qəlizləşdiriblər. Komandanın mənə göndərdiyi müqaviləni də onlara göstərdik. Lakin həll etməyə çalışmadılar. "Fuşe Kosovo"nun prezidenti onlarla danışsa da, heç nə dəyişmədi. Ona görə təkrar Bakıya qayıdıram. Karyeramı bitirmək üçün hələ çox tezdi".
GÜNAY SÜLEYMANOVA
Digər xəbərlər
