“Kosovonun ölkəmizdə səfirliyi olmadığı üçün hazırda İstanbuldayam” – Elvin hara gedir?
Sonuncu dəfə "İrəvan"da çıxış edən 31 yaşlı Elvin Yunuszadə Kosovonun "Fuşe Kosovo" klubu ilə razılıq əldə edib.
Bu haqda xəbəri bizə Nazim Süleymanov verdi. Klub çempionatda 18 turdan sonra 10 xalla 9-cu pillədə qərarlaşıb. Qeyd edək ki, Kosovo superliqasında 10 komanda mübarizə aparır. "Football-plus.az" Elvin Yunuszadə ilə əlaqə saxlayaraq, yeni klubu haqda fikirlərini öyrənib:
"Kosovonun ölkəmizdə səfirliyi olmadığı üçün hazırda İstanbuldayam. İşlərimi həll etdikdən sonra təkrar Kosovaya qayıdacam. Çempionat barədə birşey demək çətindi. Fevralın 12-si başlayacaq. Hələ ki, məşqə çıxmamışam. Demək olar heçnə görməmişəm. Mənim üçün yeni təcrübə olacaq. Ölkə xaricidi, Azərbaycanı təmsil edirəm burda. Çalışacam ki, ölkəmizi ən yaxşı şəkildə təmsil edim. Müqaviləmin müddəti yaya qədərdi".
GÜNAY SÜLEYMANOVA
Digər xəbərlər
