Fransa çempionatının 19-cu turu çərçivəsində bir neçə maraqlı oyun keçirildi.

"Football-plus.az" xəbər verir ki, lider PSJ “Brest”lə ev oyununun ilk yarısını 2:0 öndə bitirsə də, sonda qələbəni əldən verdi. Luis Enrikenin komandası 44 xalla zirvədəki yerini qorudu. 3-cü pillədəki “Brest”in isə 35 xalı var. 2-ci pillədə “Nitsa” qərarlaşıb. Hesabat turunda “Mets”i məğlub edən “qartallar”ın 38 xalı var. “Velodrom”dakı qarşılaşma da maraqlı mübarizəyə səhnə oldu. “Marsel”lə “Monako” meydandan 2:2 hesablı heç-heçə ilə ayrıldı. Baxmayaraq ki, “knyazlar” Maripanın 11-ci dəqiqədə meydandan qovulması üzündən faktiki bütün oyunu azlıqda keçirdilər. Üstəlik referi 87-ci dəqiqədə Zakariyanı da qovdu. “Loryan” – “Havr” oyununda 6 qol vurulsa da, qalib müəyyənləşmədi – 3:3. Şanlı-şöhrətli, amma bu mövsüm autsayder mövqeyi ilə barışan “Lion” evdə “Renn”ə uduzdu. Yüksək yerlərə iddialı “Lill” səfərdə “Monpelye”nin qapısına yol tapa bilmədi. Qalan oyunlara gəlincə, “Lans” səfərdə “Tuluza”ya qalib gəldi, “Reyms” – “Nant”, “Klermon” – “Strasbur” oyunlarında isə heç-heçə qeydə alındı.

19-cu tur
PSJ – Brest 2:2
Asensio, 38. Kolo Muani, 45 – Kamara, 55. Pereyra Laqe, 80. (47000)
PSJ: Donnarumma, L.Ernandes (Markinyos, 75), Beraldo, Pereyra, Zair-Emeri, Asensio (Soler, 75), Ruis, Vitinya (Ramuş, 89), Barkola, K.Mbappe, Kolo Muani (Dembele, 69).
Marsel – Monako 2:2
Obameyanq, 38. Balerdi, 50 – Ben Yedder, 7. Akliuş, 45+3. (63029)
Marsel: Lopes, Balerdi, Qarsiya, Meyte, Kloss (Soqlo, 35/Korrea, 79), Onana (Sidi-Əli, 86), Kondoqbia, Veretu, Enrike, Obameyanq, Vitinya.
Monako: Ken, Kerer, Maripan, Salisu, Vanderson, Fofana, Zakariya, Uattara, Qolovin, Akliuş (Ben Seqir, 86), Ben Yedder (Matsima, 89).
Nitsa – Mets 1:0
Gessand, 77-p. (20137)
Nitsa: Bulka, Bar, Dante, Todibo, Lotomba (Rosario, 82), Sanson (Budaui, 82), Ndaişimay, Türam (Klod-Moris, 66), Lyabord (Perro, 90+1), Gessand, Şo (Diop, 66).
Lion – Renn 2:3
Silva, 57. Lakazett, 78 – Terrye, 22; 41. Due, 36. (40516)
Monpelye – Lill 0:0
(12575)
Loryan – Havr 3:3
Luza, 33. Kari, 51. Bamba, 90+2 – Sabbi, 15-p. Ayyu, 85; 90+4. (14500)
Tuluza – Lans 0:2
Koşta, 42. Diuf, 55. (27310)
Reyms – Nant 0:0
(14388)
Klermon – Strasbur 1:1
Nikolson, 52 – Dion, 34. (9047)
1. PSJ 19 13 5 1 46-16 44
2. Nitsa 19 11 5 3 20-11 38
3. Brest 19 10 5 4 29-17 35
4. Monako 19 10 4 5 36-27 34
5. Lill 19 8 8 3 24-14 32
6. Reyms 19 9 3 7 25-24 30
7. Marsel 19 7 8 4 28-21 29
8. Lans 19 8 5 6 23-19 29
9. Renn 19 6 7 6 28-24 25
10. Strasbur 19 6 7 6 20-24 25
11. Havr 19 5 8 6 22-23 23s
12. Monpelye 19 4 8 7 19-23 19
13. Nant 19 5 4 10 20-30 19
14. Tuluza 19 3 8 8 16-25 17
15. Mets 19 4 4 11 16-29 16
16. Lion 19 4 4 11 19-33 16
17. Klermon 19 3 6 10 14-28 15
18. Loryan 19 2 7 10 24-41 13
Bombardirlər: K.Mbappe (PSJ) – 19, Ben Yedder (Monako) – 10, Lakazett (Lion) - 9.
Növbəti turun oyunları fevralın 2-4-ü aralığında keçiriləcək: Strasbur – PSJ, Renn – Monpelye, Nant – Lans, Monako – Havr, Lill – Klermon, Mets – Loryan, Reyms – Tuluza, Brest – Nitsa, Lion – Marsel.
Turun rəqəmi
46 – “Monako” 2013/14 mövsümündən bəri “Marsel”in qapısından bu qədər qol keçirib. Heç bir başqa komanda belə nəticə ilə öyünə bilməz. “Velodrom”dakı oyunların statistikası daha qorxuncdu. “Marsel” burdakı son 9 oyunun 8-də qalib gələ bilməyib (6 heç-heçə). “Marsel” ardıcıl 14-cü oyunda “Monako”dan qol buraxdı, sonuncu “quru” oyun (0:0) 2008-ə təsadüf edib.
Turun ulduzu
Martin Terrye (Renn) – “Lion” hər nə qədər autsayder olsa da, evdə istənilən rəqibə “dişini göstərir”. “Şirlər”in məğlub edilməsində əsas rolu Terrye oynadı. Təcrübəlu hücumçu cari mövsümdə qol hesabını dublla açdı.
Turun sitatı
Aleksandr Qolovin, “Monako”nun yarımmüdafiəçisi: “Praktiki cəhətdən oyunboyu azlıqda qaldığımız, lap sonda referinin bizi 9 nəfərlə qoyduğu oyunu şərh etmək çətindi. Bunu nəzərə alsaq, səfərdə heç-heçə sərfəli nəticədi. Hesab edirəm ki, xarakter və döyüşçü keyfiyyətləri göstərdik. Hesab edirəm ki, hətta azlıqda qalanda da rəqibə heç nədə uduzmadıq, hücumda şans axtardıq”.
Reaksiya
Luis Enrike, PSJ-nin baş məşqçisi: “Bugünkü nəticəni necə izah edim? Hər şey sadədi, oyuna nəzarəti əldən verdik. Niyə? Ona görə ki, bu futboldu, basketbol deyil. Aydın məsələdi ki, narazıyam. İkinci hissədəki oyunumuz qətiyyən xoşuma gəlmədi”.
LİQA 2
21-ci tur: Pau – Sent-Etyen 0:1, Laval – Paris 1:1, Genqam – Rodez 3:3, Qrenobl – Oser 1:1, Dyunkerk – Ayaçço 2:0, Konkarno – Trua 1:0, Bordo – Valensyenn 3:1, Bastiya – Kan 1:2, Anje – Keviyi 3:2, Amyen – Annesi 1:0.
22-ci tur: Sent-Etyen – Amyen 0:1, Ayaçço – Konkarno 1:0, Annesi – Pau 0:0, Oser – Genqam 1:1, Kan – Trua 0:0, Paris – Dyunkerk 1:2, Keviyi – Qrenobl 1:1, Rodez – Laval 1:2, Valensyenn – Bastiya 3:1, Bordo – Anje ????
1. Oser 22 12 7 3 45-23 43
2. Anje 21 13 4 4 36-20 43
3. Laval 22 11 6 5 24-19 39
4. Qrenobl 22 9 10 3 29-21 37
5. Amyen 22 9 7 6 19-20 34
6. Kan 22 9 6 7 30-26 33
7. Ayaçço 22 9 6 7 22-23 33
8. Genqam 22 8 8 6 29-21 32
9. Pau 22 8 8 6 34-33 32
10. Sent-Etyen 22 9 5 8 21-21 32
11. Rodez 22 8 7 7 36-34 31
12. Paris 22 9 4 9 27-26 31
13. Bordo (-1) 21 7 5 9 24-29 25
14. Konkarno 22 7 4 11 19-28 25
15. Trua 22 5 9 8 24-26 24
16. Bastiya (-1) 22 6 6 10 25-28 23
17. Annesi 22 4 8 10 22-30 20
18. Dyunkerk 22 5 5 12 19-35 20
19. Keviyi 22 3 9 10 28-34 18
20. Valensyenn 22 2 8 12 15-31 14
Bombardir: Mendi (Kan) - 14.