“Knyazlar” zirvədədi, PSJ ilə “Marsel” onları təqib edir - TURUN ŞƏRHİ

Fransa çempionatının 4-cü turu maraqlı alındı.
“Football-plus.az” xəbər verir ki, “Monako” zirvənin tək sahibidi. Adi Hütterin çalışdırdığı komanda vitse-çempion “Lans”ı darmadağın etməklə xalını 10-a çatdırdı. Turlar ötdükcə son çempion PSJ də oyun səviyyəsini yaxşılaşdırmaqdadı. Luis Enrikenin komandası bu dəfə səfərdə “Lion”u darmadağın etməklə 8 xalla 2-ci pilləyə yüksəldi. “Nant”ın təxminən 80 dəqiqə azlıqda oynamasına baxmayaraq, bu komanda ilə oyunda xal itirən “Marsel”in də 8 xalı var. “Havr” hesabat turunda cari mövsümdəki ilk qələbəsini qazandı. “Loryan” elitanın debütantından üç cavabsız qol buraxdı.

Hərəyə 7 xalı olan “Reyms”, “Lill” və “Brest” də liderlər qrupunda qərarlaşıb. “Reyms” “Mets”lə səfər oyununda qələbəni əldən verdi – 2:2. “Şimallı itlər” “Monpelye”nin öhdəsindən gəldi (1:0), “Brest” isə “Renn” ilə qolsuz heç-heçəyə razılaşdı.

4-cü tur
Lion – PSJ 1:4
Tolisso, 74-p. – Mbappe, 4-p.; 45+1. Hakimi, 20. Asensio, 38. (51657)
PSJ: Donnarumma, Ernandes, Şkrinyar, Markinyos, Hakimi, Zair-Emeri (Ndur, 86), Uqarte (Ruis, 76), Vitinya, Mbappe, Asensio (Ramuş, 75), Dembele (Barkola, 75).
Monako – Lans 3:0
Sinqo, 24. Qolovin, 36. Maripan, 59. (9600)
Monako: Ken, Maqassa, Maripan, Sinqo, Vanderson (Diatta, 85), Kamara (Zəkəriyə, 74), Fofana (Matazo, 90), Enrike, Qolovin, Minamino (Akliuş, 84), Ben Yedder (Baloqun, 74).
Nant – Marsel 1:1
Məhəmməd, 39 – Sarr, 4. (34600)
Marsel: Lopes, Lodi, Mbemba, Jiqo, Kloss, Sarr, Ronjye, Veretu, Korrea (Ndiaye, 64), Obameyanq, Vitinya.
Brest – Renn 0:0
(15201)
Tuluza – Klermon 2:2
Abuhlyal, 8. Maqri, 14 – Kiey, 34-p. Ojye, 90+6. (28285)
Havr – Loryan 3:0
Kuzyayev, 53. Aliui, 70. Mbemba, 90+6. (18707)
Lill – Monpelye 1:0
Yazıcı, 2. (35298)
Mets – Reyms 2:2
Sabali, 7. Callou, 63 – Diakite, 17. Teuma, 52. (24272)
Nitsa – Strasbur 2:0
Atal, 45+1. Moffi, 75. (20215)
1. Monako 4 3 1 0 13-5 10
2. PSJ 4 2 2 0 8-3 8
3. Marsel 4 2 2 0 7-4 8
4. Reyms 4 2 1 1 8-5 7
5. Lill 4 2 1 1 5-5 7
6. Brest 4 2 1 1 5-5 7
7. Renn 4 1 3 0 8-4 6
8. Nitsa 4 1 3 0 4-2 6
9. Strasbur 4 2 0 2 4-6 6
10. Havr 4 1 2 1 8-6 5
11. Loryan 4 1 2 1 5-5 5
12. Tuluza 4 1 2 1 5-6 5
13. Mets 4 1 2 1 6-9 5
14. Monpelye 4 1 1 2 7-7 4
15. Nant 4 0 2 2 5-8 2
16. Klermon 4 0 1 3 4-9 1
17. Lans 4 0 1 3 4-10 1
18. Lion 4 0 1 3 3-10 1
Bombardirlər: Mbappe (PSJ) – 5, Ben Yedder (Monako), Məhəmməd (Nant) – 4.
Növbəti turun oyunları sentabrın 17-də keçiriləcək: PSJ – Nitsa, Strasbur – Monpelye, Renn – Lill, Marsel – Tuluza, Loryan – Monako, Lion – Havr, Klermon – Nant, Reyms – Brest, Lans – Mets.

Turun rəqəmi
500 – Bredli Barkola 1970-ci ildə yaradılan PSJ-nin tarixinə özünəməxsus şəkildə düşdü. Belə ki, o, indiyə qədər paytaxt klubunun formasını geyən 500-cü futbolçudu.

Turun ulduzu
Kilian Mbappe (PSJ) – klub rəhbərliyi ilə münasibətləri yaxşılandırandan sonra işə başlayıb və artıq bombardirlər siyahısının önündədi. Son üç oyunun hər birində fərqlənib, son ikisində dubl edib.

Turun sitatı
Neymar, PSJ-nin sabiq hücumçusu: “O, PSJ-dən belə getməyi haqq etməmişdi. Messi məşq edən, mübarizə aparan, uduzanda qəzəblənən futbolçudu. Onu ədalətizcəsinə ittiham edirdilər. Ancaq dünya çempionu olduğuna görə sevinirəm”.