11-ci turdan sonra liderlər “üçlüy”ü dəyişmədi.

"Football-plus.az" xəbər verir ki, turun mərkəzi oyununda evdə “Renn”i məğlub edən “Nitsa” zirvədəki yerini qorudu. “Qartallar”ın hesabında indi 25 xal var. PSJ liderdən cəmi 1 xal geri qalır. “Monpelye”ni qəbul edən son çempion rəqib qapısından üç cavabsız top keçirdi. Elə “Monako” da PSJ-dən 1 xal geridədi. “Knyazlar”ın “Brest” üzərindəki qələbəsinə rusiyalı yarımmüdafiəçi Qolovin qol və məhsuldar ötürmə ilə töhfə verdi. Səfərdə “Nant”ı məğlub edən “Reyms” xalını 20-yə çatdıraraq “Lill”i arxada qoydu. “Şimallı itlər” hesabat turunda “Velodrom”da “Marsel”lə qolsuz heç-heçəyə razılaşdı. Bərabər mübarizə şəraitində keçən oyunda “Lill” qapıya daha çox zərbə vursa da, Cennaro Qattuzonun komandası daha təhlükəli hücumlar qururdu. Bununla belə, komandalardan heç biri fərqlənə bilmədi. Hərçənd “Marsel”dən Obameyanq, “Lill”dən isə Yazıcı bunun üçün çox çalışdı. Türkiyəli hücumçunun zərbəsindən sonra top hətta tirdən döndü. Bu oyunla yanaşı, “Strasbur” – “Klermon”, “Loryan” – “Lans” görüşlərində də qolsuz heç-heçə qeydə alındı.

“Havr”ın “Tuluza” üzərindəki əzmkar qələbəsini də qeyd etməyə dəyər. 78-ci dəqiqəyə 0:1 geridə başlayan “Havr” Bayonun həmin vaxt və 90+5-ci dəqiqədə vurduğu qollar sayəsində qələbə qazanaraq turnir cədvəlində birdən-birə 6 pillə irəlilədi. Nə qədər qəribə olsa da, sonuncu pillədə “Lion” qərarlaşıb. Yeddiqat çempion hələ də qələbəyə həsrətdi. “Şirlər” bu dəfə evdə “Mets”in müqavimətini qıra bilmədi – 1:1. Onların hesabında yalnız 4 xal var.

11-ci tur
Nitsa – Renn 2:0
Boqa, 45. Mandanda, 87-öz qapısına. (22430)
Nitsa: Bulka, Bar, Dante, Todibo, Rosario, Budaui, Ndaişimay, Türam (Sanson, 80), Boqa (Perro, 80), Moffi (Diop, 80), Lyabord (Gessand, 63).

PSJ – Monpelye 3:0
Li Kan İn, 10. Zair-Emeri, 58. Vitinya, 66. (47000)
PSJ: Donnarumma, Mukiele, Şkrinyar, Markinyos (Ernandes, 71), Hakimi (Soler, 78), Li Kan İn (Vitinya, 62), Zair-Emeri (Ruis, 78), Uqarte, Dembele, Mbappe, Kolo Muani (Ramuş, 62).

Monako – Brest 2:0
Zakariya, 16. Qolovin, 69. (9450)
Monako: Ken, Maqassa, Maripan, Sinqo, Diatta, Fofana (Kamara, 89), Zakariya, Yakobs (Uattara, 81), Qolovin (Boadu, 89), Akliuş (Ben Yedder, 65), Baloqun (Minamino, 81).

Marsel – Lill 0:0
(63674)
Marsel: Lopes, Lodi, Mbemba, Jiqo (Meyte, 68), Kloss, Veretu (Ndiaye, 68), Ronjye, Kondoqbia, Arit, Obameyanq (Korrea, 77), Sarr (Vitinya, 77).

Loryan – Lans 0:0
(16599)

Lion – Mets 1:1
Alvero, 84 – Callou, 77. (42040)

Nant – Reyms 0:1
İto, 75. (33621)

Strasbur – Klermon 0:0
(25039)

Tuluza – Havr 1:2
Dallinqa, 51 – Bayo, 78; 90+5. (23060)

1. Nitsa 11 7 4 0 13-4 25
2. PSJ 11 7 3 1 26-9 24
3. Monako 11 7 2 2 25-14 23
4. Reyms 11 6 2 3 17-12 20
5. Lill 11 5 4 2 14-10 19
6. Brest 11 4 3 4 11-12 15
7. Havr 11 3 5 3 12-13 14
8. Nant 11 4 2 5 16-20 14
9. Marsel 10 3 4 3 12-12 13
10. Lans 11 3 4 4 12-13 13
11. Renn 11 2 6 3 16-15 12
12. Strasbur 11 3 3 5 9-15 12
13. Monpelye (-1) 10 3 3 4 15-14 11
14. Tuluza 11 2 5 4 12-15 11
15. Loryan 11 2 5 4 15-20 11
16. Mets 11 2 4 5 9-17 10
17. Klermon 10 1 3 6 7-14 6
18. Lion 10 0 4 6 8-19 4

Bombardirlər: Mbappe (PSJ) – 10, Adams (Monpelye) – 7, Məhəmməd (Nant), Əl-Tamari (Monpelye), Ben Yedder, Qolovin (hər ikisi “Monako”) – 5.
Növbəti turun oyunları noyabrın 10-12-si aralığında keçiriləcək: Monpelye – Nitsa, Reyms – PSJ, Havr – Monako, Brest – Strasbur, Klermon – Loryan, Lill – Tuluza, Mets – Nant, Renn – Lion, Lans – Marsel.

Turun rəqəmi
6 – hələ 18 yaşını tamamlamayan Zair-Emeri cari mövsümdə 4 qol vurub, 2 məhsuldar ötürmə verib. O, 21-ci əsrdə18 yaşa çatmadan Fransa çempionatında 6 məhsuldar hərəkət etməyi bacaran ilk yarımmüdafiəçidi.

Turun ulduzu
Aleksandr Qolovin (Monako) – rusiyalı yarımmüdafiəçi ideal forma yığıb. Bu dəfə həm qol vuran, həm də məhsuldar ötürmə verən Qolovin “qol+ötürmə” sistemi üzrə artıq 7 (5+2) xal toplayıb. O, ölkə çempionatında bu göstəricidə yalnız Mbappedən (10+1) geri qalır.

Turun sitatı
Samir Nəsri, Fransa yığmasının sabiq yarımmüdafiəçisi: “İki il əvvəl demişəm ki, Mbappe dünyanın ən yaxşı futbolçusudu. Hələ də buna inanıram. Onun PSJ-də qalması yaxşıdı. Madridə yollanıb 15-ci dəfə Çempionlar Liqasını qazanmaq əvəzinə bu mükafata heç vaxt yiyələnməyən PSJ-də qalmalıdı”.