Fransada 13-cü turun əsas hadisəsi PSJ – “Monako” oyunu idi.

“Football-plus.az” xəbər verir ki, liderdən cəmi 3 xal geri qalan “knyazlar” ona “əlcək atmaq” niyyətindəydi. Oyun çox maraqlı keçdi. Cəsarətlə hücuma atılan komandalar azarleşləri darıxmağa qoymadı. Final fiti PSJ-nin 5:2 hesablı qələbəsini qeydə aldı. PSJ 30 xalla liderliyi davam etdirir. “Monako” isə 24 xalla 3-cü pillədə qaldı. 2-ci pillədə evdə “Tuluza”nı məğlub edən “Nitsa” qərarlaşıb. “Qartallar”ın hesabında 29 xal var. 4-cü yeri “Lill” turur. “Lion”un qonağı olan “şimallı itlər” inamlı qələbə qazandı.

“Lans”ın növbəti qələbəsini də qeyd etməliyik. Mövsümə çox pis başlayan vitse-çempion indi yaxşı start yığıb. Bu komanda hesabat turunda “Klermon”u darmadağın etdi. Məğlubiyyətsiz oyunlar seriyasını 8-ə çatdıran “Lans” turnir cədvəlində altıncıdı. 5-ci pillədə səfərdə “Renn”ə uduzan “Reyms” qərarlaşıb.
Turun qalan oyunlarına gəlincə, “Marsel” “Strasbur”la səfərdə heç-heçə etməklə liderlərdən bir qədər də uzaq düşdü. “Brest” və “Mets” səfərdə, uyğun olaraq, “Monpelye” və “Loryan” üzərində qələbə qazandı. Turun qolsuz bitən yeganə oyununda “Nant” “Havr”ı qəbil etdi. Yeri gəlmişkən, “Havr” cari mövsümdə 5-ci dəfə meydandan “quru” heç-heçə ilə ayrıldı.

12-ci tur
PSJ – Monako 5:2
Ramuş, 18. Mbappe, 39-p. Dembele, 70. Vitinya, 72. Kolo Muani, 90+7 – Minamino, 22. Baloqun, 75. (47896)
PSJ: Donnarumma, Mukiele, Ernandes, Şkrinyar, Hakimi, Ruis (Soler, 82), Uqarte, Vitinya, Mbappe, Ramuş (Kolo Muani, 72), Dembele (Barkola, 72).
Monako: Ken, Maqassa, Maripan, Sinqo, Vanderson (Diatta, 79), Kamara (Ben Yedder, 79), Zakariya, Yakobs, Qolovin, Minamino (Akliuş, 79), Baloqun.
Strasbur – Marsel 1:1
Emeqha, 6 – Kloss, 27. (25443)
Marsel: Lopes, Lodi, Balerdi, Mbemba, Kloss, Kondoqbia, Veretu, Korrea (Sarr, 56), Arit (Unai, 69), Ndiaye (Nadir, 84), Vitinya (Obameyanq, 69).
Nitsa – Tuluza 1:0
Moffi, 54. (21849)
Nitsa: Bulka, Bar, Dante, Rosario, Lotomba (Luşe, 72), Sanson, Türam, Diop (Klod-Moris, 46), Boqa (Perro, 72), Moffi (Mendi, 84), Lyabord (Gessand, 66).
Klermon – Lans 0:3
Vai, 11. Tomasson, 50. Said, 82. (10455)
Loryan – Mets 2:3
Fevr, 7. Krupi, 22 – Sabali, 1. Traore, 64. Callou, 82. (14469)
Monpelye – Brest 1:3
Savanye, 51-p. – Estev, 20-öz qapısına. Pereyra Laqe, 64. Dumbiya, 90+3. (12311)
Nant – Havr 0:0
(29346)
Renn – Reyms 3:1
Quiri, 4. Burijo, 46. Teate, 66 – Diakite, 45+2. (27718)
Lion – Lill 0:2
Devid, 27. Santuş, 32. (40029)
1. PSJ 13 9 3 1 34-11 30
2. Nitsa 13 8 5 0 14-4 29
3. Monako 13 7 3 3 27-19 24
4. Lill 13 6 5 2 17-11 23
5. Reyms 13 6 2 5 18-18 20
6. Lans 13 5 4 4 16-13 19
7. Brest 12 5 3 4 14-14 18
8. Havr 13 3 7 3 12-13 16
9. Mets 13 4 4 5 15-20 16
10. Renn 13 3 6 4 19-17 15
11. Nant 13 4 3 6 17-23 15
12. Marsel 11 3 5 4 13-14 14
13. Strasbur 12 3 4 5 10-16 13
14. Monpelye (-1) 12 3 4 5 16-17 12
15. Tuluza 13 2 6 5 13-17 12
16. Loryan 13 2 5 6 17-24 11
17. Klermon 12 2 3 7 8-17 9
18. Lion 12 1 4 7 9-21 7
Bombardirlər: Mbappe (PSJ) – 14, Adams (Monpelye) – 7, Məhəmməd (Nant), Əl-Tamari (Monpelye), Ben Yedder, Qolovin (hər ikisi “Monako”) – 5.
Növbəti turun oyunları dekabrın 1-3-ü aralığında keçiriləcək: Reyms – Strasbur, Lans – Lion, Nant – Nitsa, Havr – PSJ, Brest – Klermon, Monako – Monpelye, Tuluza – Loryan, Lill – Mets, Marsel – Renn.

Turun rəqəmi
1 – PSJ-nin heyətində bütün turnirlərdə 16-cı oyuna çıxan Dembele qol hesabını açdı. 26 yaşlı vingerin hesabında 4 məhsuldar ötürmə də var. Xatırladaq ki, Usman avqustda “Barselona”dan PSJ-yə 50,4 milyon avro əvəzində keçib.

Turun ulduzu
Usman Dembele (PSJ) – nəhayət, Parisdə parlaq oyun göstərməyə başladı. Söhbət təkcə onun qol hesabını açmasından getmir. İlk qolda məhz onun zərbəsindən sonra qapıçıdan dönən topu Ramuş tamamladı, ikincidə penalti qazandı, üçüncünü özü vurdu, bir sözlə, PSJ-nin qələbəsi üçün əlindən gələni etdi.

Turun sitatı
Adi Hütter, “Monako”nun baş məşqçisi: “Düzünü desəm, bu axşam PSJ ilə aramızda böyük fərq görmədim, rəqib, sadəcə, bütün imkanları qola çevirdi. Məğlubiyyətdə utandırıcı heç nə yoxdu, amma 5 belə qol buraxmaqda var. “Top-3”ə düşmək istəyiriksə, belə səhvlərin sayını məhdudlaşdırmalıyıq”.

Oyundan sonra
Luis Enrike, PSJ-nin baş məşqçisi: “Belə səviyyədə olan komandalar qarşılaşanda bütün futbol həvəskarları tamaşadan həzz alır. Biz məşqçilər üçün buraxılan qolları izləmək çətindi. Ancaq əsas olan komandamın yığma fasiləsindən sonrakı reaksiyasını görmək idi. Biz bir dəfə məşq etmişdik, “Monako” hətta evdə bir dəfə də məşq edə bilməmişdi. Bu oyuna baxmağa dəyərdi, hər şeydən çox isə nəticəni bəyəndim”.