Dünya tennisinin ən böyük əfsanələrindən biri Novak Cokoviç “Australian Open”də də iş başındadı.

O, turnirin az qala hər mərhələsində bir rekord müəyyənləşdirir. Məsələn, 1/16 finalda argentinalı Tomas Martin Etçeverri serb ulduzun karyerasına “Australian Open”dəki 100-cü oyun kimi yazıldı. Bununla da Cokoviç tennis tarixinə “Böyük dəbilqə” seriyalı bütün turnirlərdə ən azı 100 oyun keçirən ilk tennisçi kimi düşdü. 36 yaşlı serbin “Uimbldon”da 103, “Rolan Qarros”da 108, “US Open”də 101 oyun keçirdiyini də xatırladaq.

Fransalı Adrian Mannarino ilə 1/8 final oyunu da Cokoviç üçün əlamətdar oldu. O, həm “Australian Open”də qazandığı ardıcıl qələbələrin sayını 32-yə çatdırdı, həm də “Böyük dəbilqə” turnirlərində rəqibə bir qeym də vermədiyi 47-48-ci setləri keçirdi. Novakın qələbə hesabı belə oldu – 6:0, 6:0, 6:3. “Quru” setlərin sayını 48-ə çatdıran Cokoviç bu göstəricidə əfsanəvi isveçrəki Rocer Federerlə avstraliyalı Roy Emersonu arxada qoyaraq 2-ci yerə yüksəldi. “Böyük dəbilqə” turnirlərinin bu göstəricidəki rekordçusu isə amerikalı Andre Aqassidi (50).
Andrey Rublev Cokoviçlə müqayisə oluna bilməsə də, hər halda, həmişə turnilərə baş mükafatı qazanmaq iddiası ilə qatılır. Rusiyalı tennisçi 1/8 finalda avstraliyalı Aleks De Minauru məğlub etdi. O, “Böyük dəbilqə” turnirlərində qələbə sayını 300-ə çatdırmaqla yanaşı, karyerasında 10-cu dəfə belə turnirlərdə 1/4 finala vəsiqə qazandı. Amma çox maraqlı faktı xatırlatmaq yerinə düşər. Rublev əvvəlki 9 1/4 final oyununun heç birində qələbə qazana bilməyib.
Avstraliyadayakı turnirlə bağlı başqa maraqlı məqamlar da var.
Qadınlar arasındakı turnirin əsas favoritlərindən olan İqa Sventekin 1/16 finalda dünyanın 50-ci raketkası Linda Noskovaya uduzması hər kəsi təəccübləndirdi. Rusiya – Ukrayna müharibəsi bu turnirdə münasibətlərə də təsirsiz ötüşmür. Belaruslu Arina Sobolenko 1/16 finalda ukaynalı Lesya Surenkonu məğlub etdi. Surenko oyundan sonra qalibin əlini sıxmadı. Arina rəqibin bu jestə rəğmən, onu qələbə münasibəti ilə təbrik etdiyini dedi.

Beləliklə, həm kişilərin, həm də qadınların turnirində yanvarın 23-24-də keçiriləcək 1/4 final oyunlarının cütləri müəyyənləşib. Kişilər arasında 1/4 final cütləri: Rublev – Sinner, Cokoviç – Frits, Medvedev – Hurkaç, Alkaras – Zverev. Qadınların turnirində isə 1/4 final cütləri belə formalaşıb: Kostyuk – Qauff, Kreyçikova – Sobolenko, Noskova – Yastremskaya, Kalinskaya - Çjen Sinven.

Kişilər
1/16 final
Cokoviç (Serbiya, 1) – Etçeverri (Argentina, 30) 6:3, 6:3, 7:6 (7:2)
Mannarino (Fransa, 20) – Şelton (ABŞ, 16) 7:6 (7:4), 1:6, 6:7 (2:7), 6:3, 6:4
Frits (ABŞ, 12) – Marojan (Macarıstan) 3:6, 6:4, 6:2, 6:2
Sisipas (Yunanıstan, 7) - Van Aş (Fransa) 6:3, 6:0, 6:4
Sinner (İtaliya, 4) – Baes (Argentina, 26) 6:0, 6:1, 6:3
Xaçanov (Rusiya, 15) - Mahaç (Çexiya) 6:4, 7:6 (7:4), 4:6, 7:6 (7:5)
De Minaur (Avstraliya, 10) – Kobolli (İtaliya) 6:3, 6:3, 6:1
Rublev (Rusiya, 5) - Korda (ABŞ, 29) 6:2, 7:6 (8:6), 6:4
Kazo (Fransa) - Qrikspor (Niderland, 28) 6:3, 6:3, 6:1
Hurkaç (Polşa, 9) - Umber (Fransa, 21) 3:6, 6:1, 7:6 (7:4), 6:3
Borjes (Portuqaliya) - Dimitrov (Bolqarıstan, 13) 6:7 (3:7), 6:4, 6:2, 7:6 (8:6)
Medvedev (Rusiya, 3) - Ojye-Alyassim (Kanada, 27) 6:3, 6:4, 6:3
Zverev (Almaniya, 6) – Mikelsen (ABŞ) 6:2, 7:6 (7:4), 6:2
Norri (B.Britaniya, 19) – Ruud (Norveç, 11) 6:4, 6:7 (7:9), 6:4, 6:3
Keçmanoviç (Serbiya) - Pol (ABŞ, 14) 6:4, 3:6, 2:6, 7:6 (9:7), 6:0
Alkaras (İspaniya, 2) - Şan Szyunçen (Çin) 6:1, 6:1, 1:0 imtina

1/8 final
Cokoviç (Serbiya, 1) – Mannarino (Fransa, 20) 6:0, 6:0, 6:3
Frits (ABŞ, 12) – Sisipas (Yunanıstan, 7) 7:6 (7:3), 5:7, 6:3, 6:3
Sinner (İtaliya, 4) – Xaçanov (Rusiya, 15) 6:4, 7:5, 6:3
Rublev (Rusiya, 5) - De Minaur (Avstraliya, 10) 6:4, 6:7 (5:7), 6:7 (4:7), 6:3, 6:0
Hurkaç (Polşa, 9) - Kazo (Fransa) 7:6 (8:6), 7:6 (7:3), 6:4
Medvedev (Rusiya, 3) - Borjes (Portuqaliya) 6:3, 7:6 (7:4), 5:7, 6:1
Zverev (Almaniya, 6) – Norri (B.Britaniya, 19) 7:5, 3:6, 6:3, 4:6, 7:6 (10:3)
Alkaras (İspaniya, 2) - Keçmanoviç (Serbiya) 6:4, 6:4, 6:0

Qadınlar
1/16 final
Noskova (Çexiya) - Sventek (Polşa, 1) 3:6, 6:3, 6:4
Svitolina (Ukrayna, 19) – Qolubiç (İsveçrə) 6:2, 6:3
Azarenko (Belarus, 18) - Ostapenko (Latviya, 11) 6:1, 7:5
Yastremskaya (Ukrayna) - Navarro (ABŞ, 27) 6:2, 2:6, 6:1
Paolini (İtaliya, 26) - Blinkova (Rusiya) 7:6 (7:1), 6:4
Kalinskaya (Rusiya) – Stivens (ABŞ) 6:7 (8:10), 6:1, 6:4
Çjen Sinven (Çin, 12) – Van Yafan (Çin) 6:4, 2:6, 7:6 (10:8)
Doden (Fransa) – Bürel (Fransa) 6:2, 6:4
Kostyuk (Ukrayna) – Avanesyan (Rusiya) 2:6, 6:4, 6:4
Timofeyeva (Rusiya) - Haddad Mayya (Braziliya, 10) 7:6 (9:7), 6:3
Frex (Polşa) – Zaxarova (Rusiya) 4:6, 7:5, 6:4
Qauff (ABŞ, 4) - Parks (ABŞ) 6:0, 6:2
Andreyeva (Rusiya) – Parri (Fransa) 1:6, 6:1, 7:6 (10:5)
Kreyçikova (Çexiya, 9) - Hanter (Avstraliya) 4:6, 7:5, 6:3
Anisimova (ABŞ) – Badosa (İspaniya) 7:5, 6:4
Sobolenko (Belarus, 2) – Surenko (Ukrayna, 28) 6:0, 6:0

1/8 final
Kostyuk (Ukrayna) – Timofeyeva (Rusiya) 6:2, 6:1
Qauff (ABŞ, 4) - Frex (Polşa) 6:1, 6:2
Kreyçikova (Çexiya, 9) - Andreyeva (Rusiya) 4:6, 6:3, 6:2
Sobolenko (Belarus, 2) - Anisimova (ABŞ) 6:3, 6:2
Noskova (Çexiya) - Svitolina (Ukrayna, 19) 3:0 imtina
Yastremskaya (Ukrayna) - Azarenko (Belarus, 18) 7:6 (8:6), 6:4
Kalinskaya (Rusiya) - Paolini (İtaliya, 26) 6:4, 6:2
Çjen Sinven (Çin, 12) – Doden (Fransa) 6:0, 6:3