“Football-plus.az” xəbər verir ki, “Böyük dəbilqə” seriyalı “Uimbldon” turniri davam edir. Serbiyalı tennisçi Novak Cokoviç 2-ci mərhələdə avstraliyalı Cordan Tompsonu məğlub edib - 6:3, 7:6 (7:4), 7:5. O həm də “Uimbldon”da məğlubiyyətsiz oyunlar seriyasını 30-a çatdırıb.

Beləliklə, “Böyük dəbilqə” turnirlərinin 23 qat qalibi olan 36 yaşlı ulduz belə turnirlərdə 350-ci qələbəsini qazanıb. Cokoviç kişi tennisi tarixində bu nəticəyə nail olan 2-ci tennisçidi. O, yalnız Rocer Federerdən (369) geri qalır. Rafael Nadal isə “Böyük dəbilqə” turnirlərində 314 qələbə qazanıb.

Qadınlar arasında 367 qələbə ilə Serena Uilyams liderlik edir. Martina Navratilova və Kris Evert, uyğun olaraq, 306 və 299 qələbə qazanıb.