Qadınlar arasında finalçılar bəllidi. Kori Qauff Karolina Muxovaya qalib gəlməklə finalda oynamaq imkanı qazanıb.

"Football-plus.az" xəbər verir ki, bu görüşün 2-ci setində maraqlı hadisə baş verdi. İki kişi və bir qadın ucadan “qalıq yanacaqdan istifadəyə son” qışqırmaqla oyunun keçirilməsinə mane oldu. ESPN telekanalı da canlı yayını dayandırdı. Mühafizə xidməti ekokloji fəalları kortdan çıxarandan sonra oyun canlandı. 19 yaşlı Qauff karyerasında 2-ci dəfə “Böyük dəbilqə” turnirlərində finala çıxdı. Amerikalı tennisçi ötən il “Rolan Qarros”un finalında uduzub.

Dünyanın 2-ci raketkası Arino Sobolenko isə yarımfinalda Medison Kizin öhdəsindən gəldi. Belaruslu tennisçi də karyerasında 2-ci dəfə “Böyük dəbilqə”də həlledici oyuna çıxacaq. O isə “Australian Open”ə təsadüf edən ilk finaldan qalib ayrılıb.

Dünən axşam kişilərin turnirində də ilk finalçı müəyyənləşdi. Novak Cokoviç Pol Şeltonla dueldə sensasiyaya imkan vermədi. Serbiyalı ulduz finalda Daniil Medvedevlə qarşılaşacaq.

Kişilər
1/4 final
Alkaras (İspaniya, 1) - Zverev (Almaniya, 12) 6:3, 6:2, 6:4
yarımfinal
Cokoviç (Serbiya, 2) – Şelton (ABŞ, 47) 6:3, 6:2, 7:6 (7:4)
Medvedev (Rusiya, 3) - Alkaras (İspaniya, 1) 7:6 (7:3), 6:1, 3:6, 6:3
Qadınlar
1/4 final
Kiz (ABŞ, 17) - Vondruşova (Çexiya, 9) 6:1, 6:4
yarımfinal
Qauff (ABŞ, 6) – Muxova (Çexiya, 10) 6:4, 7:5
Sobolenko (Belarus, 2) – Kiz (ABŞ, 17) 0:6, 7:6 (7:1), 7:6 (10:5)