Yunanıstan kubokunda 1/8 final mərhələsinin oyunları keçirilir.

"Football-plus.az" xəbər verir ki, dünən əzəli rəqiblər ''Olimpiakos'' ilə ''Panatinaikos'' arasında cavab oyunu baş tutdu. Ötən həftə Fatih Terimin çalışdırdığı ''Panatinaikos'' öz meydanındakı ilk qarşılaşmadan 1:1-lik bərabərliklə ayrılmışdı. Bu dəfə isə oyun ''Olimpiakos''un meydanında keçirildi.

Əsas və əlavə vaxt qolsuz başa çatınca qalib penaltilər seriyasında müəyyənləşdi. Bu ''futbol lotoreyasında'' 7:6 üstün olan Terimin komandası adını 1/4 finala yazdırdı!

''Panatinaikos'' tarixinin ilk türkiyəli futbolçusu, Terimin istəyi ilə bu kluba transfer olunan Samet Akaydın da bu görüşdə debüt etdi. Maraqlıdı ki, 106-cı dəqiqədə meydana daxil olan 29 yaşlı futbolçu mərkəz müdafiəçisi olmasına rəğmən Terim ondan hücumçu kimi, yəni irəli ucda faydalanmağa çalışdı. Beləliklə, ''Panatinaikos'' ''İmperator''un başçılığı altında keçirdiyi 5-ci rəsmi oyunda da uduzmadı (2 qələbə, 3 heç-heçə). Daxili birincilikdə 2-ci pillədə qərarlaşan Afina təmsilçisi həftəsonu çempionat çərçivəsində ''Asteras''ı qəbul edəcək.

ƏLİ