Sürpriz şəkildə ''Panatinaikos''un təklifini qəbul edərək Yunanıstana yollanan Fatih Terimin transfer planları barədə şaiyələr yayılmağa başlayıb.

Yunanıstan mətbuatının yazdığına inansaq, ''İmperator'' yeni klubuna Türkiyədə forma geyən yunanıstanlı futbolçunu cəlb etmək istəyir. Söhbət ''Trabzonspor''un aparıcı üzvlərindən olan Anastasios Bakasetasdan gedir.

''Panatinaikos'' 30 yaşlı yarımmüdafiəçiyə bonuslarla birlikdə illik 2 milyon avroluq məvacib təklif edib. Keçid baş tutsa, Bakasetas yeni klubunda ən çox qazanan futbolçuya çevrilə bilər. Yunanıstan yığmasının birinci kapitanı statusunda olan Bakasetasın trabzonlularla müqaviləsinin müddəti zatən mövsümün sonunda başa çatacaq. Ona görə də qışda bu keçidin maksimum 1 milyon avroya həll olunacağı gözlənilir.

''Trabzonspor''un 2021/22-də qazandığı çempionluqda mühüm rol oynayan Bakasetas bu mövsüm 16 rəsmi oyunda komandaya 5 qol, 2 məhsuldar ötürməlik fayda verib.

ƏLİ