Sən demə son illərdə Avropa futbolunda ən güclü müdafiə xəttinə malik kollektiv ''Real'' imiş.

"Football-plus.az" xəbər verir ki, bunu ''Marka'' nəşrinin əməkdaşları üzə çıxarıblar.

Statistika yalnız milli çempionatlara əsasən hesablanıb. Son 5 mövsümə, yəni 2019/20-dən bu yana olan dönəmə nəzər salsaq, Madrid nəhəngi La Liqada 167 oyuna yalnız 129 qol buraxıb. Bu da hər oyuna orta hesabla 0,77 buraxılan qol deməkdi. İkinci pillədə 166 oyuna 141 qol buraxan ''Atletiko'' (0,84), üçüncü pillədə 155 oyuna 139 qol buraxan PSJ (0,89) qərarlaşıb. Bu mövsüm ''Real'' La Liqada 15 tura cəmi 9 qol buraxıb ki, bu da klub tarixi üçün rekord göstəricidi.

Buna qədər rekord 2019/20-də Zinəddin Zidanın dönəmində qeydə alınmışdı. O vaxt komanda 15 tura 11 top buraxmışdı.

ƏLİ