Dünən İspaniya kubokunun finalında ''Real'' ''Osasuna'' ilə qarşılaşıb. Sevilya şəhərindəki ''La Kartuxa'' stadionunda baş tutan oyunda Madrid nəhəngi Rodriqonun dublu sayəsində 2:1 hesabı ilə qalib gəlib.

"Football-plus.az" xəbər verir ki, ''Blankos'' bununla da 2014-dən bu yana 1-ci, tarixində 20-ci dəfə bu titula sahib çıxıb. Bu göstəricidə ''Real'' ''Atletiko'' (23) və ''Barselona''dan (31) geri qalır. Halbuki bu, komandanın kubokda 40-cı finalı oldu. Yəni madridlilər orta hesabla bu turnirdə yalnız hər 2 finaldan 1-də qalib gəlirlər. Amma ''Real''ın bütün turnirlərdə finaldakı performansını nəzərə alanda bu statistika bir qədər qəribə görsənir. Çünki Karlo Ançelottinin komandası keçirdiyi son 20 finalın 18-də qalib olub! Məğlubiyyət yalnız 2018-də Avropa superkuboku uğrunda ''Atletiko'' və bu il İspaniya superkuboku uğrunda ''Barselona'' ilə duellərdə qeydə alınıb. Bu statistika yalnız bir oyundan ibarət olan finallara aiddi. Ançelotti ''Real''ın başında 10-cu, məşqçi karyerasında 26-cı titulunu qazandı. Və nəhayət, onu da bildirək ki, ''Real'' Florentino Peresin başqanlığı dönəmində ümumilikdə 32-ci titulunu qazandı! Peres bu göstəricidə klubun əfsanəsi, 1943-78-ci illərdə prezident vəzifəsini icra etmiş və stadiona adı verilən Santyaqo Bernabeunu yaxaladı.