Füridən iddialı açıqlama: “Mən gedəndən sonra boksda xaos olacaq”
WBC versiyası üzrə superağır çəkinin çempionu Tayson Füri bildirib ki, daha 10 döyüş üçün müqavilə bağlamağa hazırdı:
“Usiklə döyüşdən sonra daha 10 döyüş üçün müqavilə bağlamaq istəyirəm. İndi onu düşünürəm ki, kimlə müqavilə bağlamağa dəyər... Milyonlarla dollar qazandığım və ləzzət aldığım boksdan getmək axmaqlıq olardı. Sözsüz, boks mən çıxış edəndə daha baxımlıdı. Mən gedəndən sonra boksda tam bir xaos olacaq”.
Dəfələrlə xəbər verdiyimiz kimi, Füri ilə ağır çəkinin sabiq çempionu Fransis Nqannu oktyabrın 28-də Ər-Riyadda döyüşəcək.
