Tayson ...Taysonun hakim olmasını istəyir
Superağır çəkidə WBC çempionu Tayson Füri (33-0) bildirib ki, WBA, IBF və WBO versiyaları üzrə superağır çəkidə çempion Aleksandr Usik (20-0) onunla müqavilə imzalamasa, növbəti döyüşünü UFC versiyası üzrə ağır çəkidə sabiq çempio Fransis Nqannuya (17-3) qarşı keçirəcək:
“Fransis Nqannu, bilirəm ki, UFC ilə müqavilə müddətin bitib. Böyük pullar qazanmaq istəyirsən? Gəl döyüşək. Qəfəsdə döyüşək, hakimimiz də Mayk Tayson olsun. Usiklə əsrin döyüşünü keçirmək üçün müqavilə bağlamasam, növbəti döyüşü Nqannuya qarşı keçirəcəm”.
Xatırladaq ki, UFC ilə anlaşa bilməyən Nqannu azad agentdi. O, UFC-dən çempion statusu ilə ayrılıb.
