Çempionlar Liqasında həftənin ən yaxşı futbolçusu müəyyənləşib.

"Football-plus.az" xəbər verir ki, bu nominasiyada Evanilson qalib gəlib.

Qalib UEFA-nın saytında azarkeşlər arasında keçirilən sorğunun nəticəsinə əsasən müəyyənləşib. “Portu”nun hücumçusu qrup mərhələsinin 3-cü turunun “Antverp” ilə səfər oyununda komandasının 4:1 hesablı qələbəsində 3 qol vurmaqla rol oynamışdı. Evanilson turun ən yaxşı oyunçusu adı uğrunda mübarizədə Santyaqo Ximenes (Feyenoord), David Raum (Leyptsiq) və Qabriel Jezusu (Arsenal) arxada qoyub.

3-cü turun ən baxımlı qolu da müəyyənləşib. Bu nominasiyanın qalibi Qabriel Jezus olub. “Arsenal”ın hücumçusunun “Sevilya” ilə səfər oyununda (2:1) vurduğu qol futbolsevərlərdən daha çox səs qazanıb.