"Sabah çox ağıllı oynamalıyıq"
Sabah millimiz AÇ-2024-ün seçmə mərhələsində Estoniyanın qonağı olacaq.
“Football-plus.az” xəbər verir ki, matçdan öncə yığmamızın baş məşqçisi Canni de Byazinin mətbuat konfransı keçirilib. Sizi onun fikirləri ilə tanış edirik:
"Estoniya ilə Bakıdakı ilk oyunun birinci hissəsində yaxşı çıxış etməmişdik. İkinci hissədə isə tam fərqli oyun nümayiş etdirmişdik. Sabah ilk oyunun ikinci hissəsindəki kimi oynamalıyıq. Heç bir baş məşqçi oyundan əvvəl uduzmaq və ya heç-heçə etmək istədiyini demir. Sabah çox ağıllı oynamalıyıq. Son bir ildə 13 matç keçirmişik. 6 qələbə qazanmışıq. Avstriya və İsveç kimi güclü rəqiblərə uduzmuşuq. Həmin qarşılaşmalarda böyükhesablı məğlubiyyət bizim üçün dərs olmalıdı".
- Estoniya da sabah qələbə qazanmaq istəyir, siz də. Hər iki komanda üçün qalibiyyət çox önəmlidi...
- Heç bir məşqçi oyundan əvvəl uduzmaq və heç-heçə etmək istədiyini demir. Sabah çox ağıllı oynamalıyıq. Çox vaxt top bizdə olur, amma qol vura bilmirik. Sabah qol vurmağa çalışacağıq.
- Hücum oyunçularımız hazırda yaxşı formadadı. Sabah start heyətdə kimləri görə bilərik?
- Mənim üçün hamısı çox vacib oyunçulardı. Hər matçda onlardan qol gözləyirəm.
- Komanda 4 oyunda 1 xal toplayıb. Bizim sizdən gözləntimiz bu deyildi. Sabah qələbə qazanmaq üçün bəlkə də son şansdır. Qazaxıstan millisi öz qrupunda 12 xal toplayıb. Azərbaycan niyə bu uğura imza ata bilmir?
- Qazaxıstanın qrupunda Belçikadan güclü komanda var? Danimarka, Finlandiya güclüdü? Kimin kimdən güclü olduğunu meydan göstərəcək. Əlimizdən gələni edəcəyik. Qələbə qazanmaq üçün hər şey etməliyik. Rəqib də qələbə qazanmaq istəyir. Bu qrupda möcüzə gözləyirdiksə, deməli rəqiblərin heyətinə baxmamışıq.
- Üç ildi Azərbaycandasız. İtaliya mətbuatına müsahibələrinizdə demisiz ki, futbolçuların keyfiyyəti aşağıdı. Keyfiyyəti yüksəltmək üçün nə qədər burada qalmalısız?
- Azərbaycan çempionatının bütün oyunlarına baxıram. 2004-cü il təvəllüdlü Nəriman Axundzadəni milliyə çağırmışam. Futbolu komanda oynayır. Məşqçi təbii ki, kömək edir. Amma meydanda oyunçular olur. Əlimizdən gələni edirik. Fərdi səhvlər nəticəyə təsir edir. Gündü-gündən inkişaf etməliyik. Bir evi bir gündə tikə bilmərik.
- Digər müdafiəçilər zədəli olduğu halda Maksim Medvedevin milliyə çağırılmamasının səbəbi nədi?
- Bədavi və Bəhlul bizim üçün vacib oyunçudu. Kimisə milliyə çağırmıramsa, deməli səbəblər var. Burda oynamaq istəyiriksə, bunun üçün hər şeyi etməliyik.
- Milli komanda uzun illər sonra Tofiq Bəhramov adına Respublika Stadionunda oynayacaq. Sizin üçün hansı stadionunda oynamağın fərqi var?
- Şəxsən mənim üçün heç nə dəyişmir. "Kamp Nou", "San Siro" kimi stadionlarda oynamağa öyrəşmişəm. Bilirəm ki, Respublika Stadionu da önəmli, tarixi arenadı. Amma biz stimulu öz içimizdə tapmalıyıq. Bəli, azarkeşlər dəstək olsa, bizə çox yaxşı təsir edər.
Digər xəbərlər
