“Qələbə qazanmaq üçün əlimizdən gələni edəcəyik”
Sabah millimiz AÇ-2024-ün seçmə mərhələsində Estoniyanın qonağı olacaq.
“Football-plus.az” xəbər verir ki, matçdan öncə yığmamızın kapitanı Emin Mahmudov mətbuat konfransında iştirak edib. Sizi onun fikirləri ilə tanış edirik:
"Bizim üçün vacib oyundu. Yaxşı nəticə ilə evə qayıtmaq niyyətindəyik. Hazırda yalnız millini düşünürəm. Milliyə maksimum xeyir vermək istəyirəm. "Neftçi" haqda komandaya qayıdandan sonra düşünəcəm. Sabah bizim üçün vacib gündü. Bu oyunda qələbə qazanmaq istəyirik. Digər matçlar ağır olsa da, maksimumu etmək üçün meydana çıxmalıyıq. Sabah qələbə qazanmaq üçün əlimizdən gələni edəcəyik".
