"Rəqibin zəif və güclü tərəflərini analiz etmişik"
Sabah AÇ-2024-ün seçmə mərhələsində millimiz Estoniya ilə qarşılaşacaq.
"Football-plus.az" xəbər verir ki, oyundan öncə qonaqların futbolçusu Henri Anier mətbuat konfransında iştirak edib. Sizi onun fikirləri ilə tanış edirik:
"İlk gündən hər şey yaxşıdı. Hazırda əhval-ruhiyyəmiz də qaydasındadı. Səbirsizliklə Azərbaycanla oyunu gözləyirik. Çətin matç olacaq. Amma sabahkı görüşdə qələbə qazanmaq istəyirik. Rəqibin zəif və güclü tərəflərini analiz etmişik. Sabah əlimizdən gələni edəcəyik ki, Azərbaycan millisinin boşluqlarından istifadə edək".
