Dünən Şotlandiya kubokunda 1/4 finalın oyunları keçirildi.

“Football-plus.az” xəbər verir ki, ''Reyncers'' öz meydanında ''Livinqston''u 4 cavabsız qolla darmadağın edərək yarımfinala yüksəldi. Oyun Qlazqo nəhənginin türkiyəli legioneri Rıdvan Yılmaz üçün çox uğurlu alındı. 22 yaşlı futbolçu qollardan birini aktivinə yazaraq hesabı 2:0 etdi. Özü də Rıdvan qolu Messisayağı vurdu. Müdafiənin sol cinahında oynayan bu futbolçu topu meydanın özlərinə aid hissəsində qəbul edərək uzun bir reyd etdi. Yolüstü iki rəqibi geridə qoyan Rıdvan karyerasının ən gözəl qollarından birini vurdu. Bu, həm də Rıdvanın Reyncersdə vurduğu ilk qol oldu. ''Beşiktaş''ın yetirməsi olan solaxay futbolçu ötən yay 4 milyon avro qarşılığında Şotlandiyaya yollanmaq qərarına gəlmişdi. İlk mövsüm onun üçün uğurlu alınmadı. Adaptasiya və zədə ilə bağlı problem yaşayan Yılmaz cəmi 15 rəsmi oyuna çıxaraq aktivinə 3 məhsuldar ötürmə yaza bilmişdi.

ƏLİ